for the kepin of the towne fra the pestilicence pestilence and al vthir seknes The xix day of februar' the yer forsaid' It was Statut ordanit and diuisit be the aldirman balyeis consale and Communite of Abirdene for the kepin of the towne fra the pestilence and ale vthir Strang Seknes that al Induellaris of this burghe sal cloys' thar' bak yettis and big and vpmak ale thar bak dikis Sufficientlie and deulie as efferis and ilkan nychtbour to byg tile vthir and fynd Sufficient nychtburschipe quharthrow the towne may be bigit skathtles of ale Seknes and vnlawchfull folkis vndir the pane of law et cetera Alsua It was statut ordanit and diuisit that ale Induellaris of the said burghe sale vpmak and big thar' bakhede dikis in lyntht and hicht as efferis quhar the possessoris of the Samyn falyeis tharin and the Costis that thai make tharupon salbe allouit in thar malys and the aldirman balyeis ande Consal sale caus' the sad costis to be allouit becaus' it was grantit be the haile Communite and thai Circuly Inquirit assentit tharto for the common wele of the haill burghe Item it was statut' and ordanit that al oppin partis of this burghe salbe dikyt for the Sayfte of the towne In the first ane dik salbe maid' extending in lyntht fra the Cunye of the Sangskuile to to sere Alexander Clubys' dik and ane entre tharthrow with port lokis and keys Item It was Statut and ordanit that ane dik salbe maid' in the grene extending in lyntht fra the land of Jonhne Waus in the grene to the land of vmquhile Jonhne of hill and ane Eentre tharthrow with portis lokis and keis Item it was ordanit that ane dik salbe maid' betuix the lande of Jonhne Kintor in the Schipraw and the land of vmquhile mavnys Wormet And ane dik betuix the land of Alexander of mar' and the said lande of mavnys Wormet and Entre tharthrow with portis lokis and keys ande the keys salbe deliuerit to the personis mast conuenient tharfor of ilkan quartar Ande that the yettis be closit quhene thai ar warnit be ane knell of the bell Item that na persone within this burghe herbry na persone without Speciale licence of the aldirman and the consale Item it was Statut' and ordanit that ale mendicantis excep the Natywe borne and vpbrocht in the towne Remowe out of the tone vndir the panys and that nay mendicantis cum within the kirk bot Sytt at ane kirkdur' and ask thar almys and that the Secrestar' exell and hald' tham out of the kirk And' thir Statutis was maid' be the haill towne aldirman balyeis consal and Communite warnit be the hand' bell throw the haill tone gathtreit and circualie Inquerit be the balyes and officiaris with thar avne consent

Curia balliuorum de Abirdene tenta In pretorio eiusdem xviij die mensis februarij anno quo Supra

prepositus fyf The saide day the balyeis assigit this day xv dais monunday the ferde day of marche next to cum to thomas fyf to ansuer' to the borghe' strekit one him be sere Johne ruthirfurd' knycht burges of the said' burghe for the wranguys' haldin fra him of fourtene franche crovnis

and ilkan nychtbour to byg tile vthir and fynd Sufficient nychtburschipe quharthrow the towne may be bigit skathtles of ale Seknes and vnlawchfull folkis vndir the pane of law et cetera Alsua It was statut ordanit and diuisit that ale Induellaris of the said burghe sale vpmak and big thar' bakhede dikis in lyntht and hicht as efferis quhar the possessoris of the Samyn falyeis tharin and the Costis that thai make tharupon salbe allouit in thar malys and the aldirman balyeis ande Consal sale caus' the sad costis to be allouit becaus' it was grantit be the haile Communite and thai Circuly Inquirit assentit tharto for the common wele of the haill burghe

prepositus fyf The saide day sere Jonhne ruthirferd' knicht comperit befor Androw Cullane eldar Thomas leslie and Richerd Waus thre of the ballieis of the said' burghe and humulie exponit how he had' ane demi nethis fischingis of the Raik in tak of thomas fyf for tua yeris to cum likuys' as he hed' schevin to tham obefor and he was warnit to comper befor tham this day y to ansuer to him anent the said' tak herfor he humulie besocht and requerit diuers' tymes the sad balyeis to ger' Call the said' thomas to Comper as he that was warnit tharto to vndirlie the deliuerance and ordinance of ane assis' of the best and' worthiast of his nichtbouris vnsuspect of the verificacion of the said' demi nethis fischingis befor thame as his Jugis ordinar' And' the said' thomas lauchfullie callit and nocht Comperit tharfor the said knicht offrit him redy till stand' and abid' at the ordinance and deliuerance of ane assis' of his nichtbouris vnsuspek anent the said' matir besekand' thame for minstracion of Justice as thai that was his Jugis ordiner' And gif it beis fundin that he hed' nay richt tharto he sculd' decist tharfra And' sene the said' Thomas comperit nocht befor the said' balyeis the said' knicht perofferit him redy to stand' and abid at the deliuerance and ordinance of the Officialis and channonis of Abirdene anent the Richt of the said' tak thai takand' it to tham and to deliuer eftir the conscience And gif the said' thomas refus' to stand at thar deliuerance the said' knicht offerit him to stand at the deliuerance of ane assis' of the baronis of the schir' vnsuspect befor the seref anent the said' tak And atour the said' knicht schew he was informit that Thomas fyf Androw fyf and his sonnis suld' desir' law borrouis of him tharfor he perofferit him thai Redy to fynd law borrouis to the said' Thomas Androw and his sonnis and to quhatsumeuire vthir personis bath to burghe and land' that desiris thai doand' tharto at efferis eftir the akis of parliament Apon the quhilkis the said' knicht ask Instrument