The saide the aldirman and bailyeis assignit mononday that nixt cumis to Jonhne Elleot that he sall suer' that the bill of Rekning that he present In Jugment the saide Is leill and trew And' gif it happinnis the saide Jonhne to pas' or monnonday that that he sall his aitht that that bill is leill and trew and he aucht hyme na mar' thane that bill proportis

martyn thomas martyn The said day Walter strachin lauchfullie callit and nocht comperit to ansuer' entir to the borghe strekit strekin one him be Jonhne annand' for the wranguis' haldin fra him of jc futuale and x mar' comperit nocht tharfor the balyeis chargit Androw nachtj officiar' to pas' and tak ane distres fra the said' Walter and lat it agan to borghe and it be askit and warne him to entir the said thomas one monunday that next cumis to ansuer' to the said' borghe as secunde day of proces'

crage stevinson' The saide day the bailyheis chargit It was deliuerit be ane suorne' assis' gill William blinseile forspeker' that Jonhne stevinsone sall content ande pay to malcum of crage five barellis of meill quhilkis the bailyheis chargit to pay within terme of law ande William gareaucht skipper sall fre the saide Jonhne stevinsone of the said v barellis within terme of law and pay the samyn

Curia balliuorum de abirdene tenta In pretorio eiusdem xxviijo die Septembris quo Supra

blak The saide day Jonhne blak Cordonar was conuikit be ane suorne assis' alexander rede forspekar for strubulance of m mathow massy and to Amend' as law wil and forber' in tym to Cum And atour the said Jonhne was conuikit for' common' strubulance for the quhilkis It was ordanit and deliuerit be the aldirman ande Consal that the said Jonhne suld' be put and Sett in the goyf be his feit thar to Reman quhil he war' borrouit be the mastir of the scoule And' gif euir the saide Jonhne happinnis to committ ony falt strubulance or violence to the said mastir / or mathow or tile ony persone within this tovne and beis conuikit tharof salbe expellit and forbiding the towne foreuire et cetera