and fiwe hundreth yeris Ande gif neid' be the tennentis of the saide fischingis for' the sade threttie li' and tene d' and thar gudis to compell and distrenye at his or thar avne handis but le ony leif of vs And' we the saidez balyeis Consal and communite oblis' vs our successoris ayris executouris and assignez' to warand kep and defend this our assignacion to the said knicht his ayris executouris and assignez' as said is be al our landis and gudis aganis al dedlie In witnesing of the quhilkis we haue appensit our common' seil to thir lettres at Abirdene the xx day of Julij the yer of god jM iiijC nyntj and aucht yeris

Curia balliuorum burgi de Abirdene tenta In pretorio eiusdem vltimo die Julij quo supra

the aldirman and the consale the Consal promittit to pay the aldirman the siluer that he gevis for the tone The iij day of August the yer forsaid' the consal present for the tyme promittit to pay the aldirman the siluer that he deliuerit at thar commavnd' in thar materis and erandis quhen he gevis in his writ of his deliuerance

Adamsone the saide day Dauid adamsone comperit and schew how he was warnit be the officiar' to comper this day to ansuer' at the Instance of patrik adamsone offering him redy to do that accordit him and to deliuer him his chartiris quhilkis he brocht with him and the said patrik comperit nocht to follow him herfor he protestit to be quyt of his challance quhil he be warnit with new soit

J Wobstar The saide day the balyeis assignit this day xv dais to John Wilson' wobstar to entir Jonhne balfour' befor the balyeis to ansuer' to megy hill for' viij s' and a siluer Ring and gif he falyeis tharintill to ansuer' for the sade Johne to the said megy