Curia balliuorum burgi de Abirdene tenta In pretorio eiusdem xxvjo die mensis Januarij quo supra

Androw cristesone the saide day the aldirman and balyeis ordanit philp Dunbrek sergeand to pas' and tak ane distres' for viij s' fra Androw cristesone becaus' he was borghe' to entir Williame fingask this day to ansuer' at the Instance of the aldirman and entirit him nocht tharfor the aldirman and balyeis chargit the said Androw to entir the saide Williame one monunday next to Cum befor tham to ansuer' at the Instance of the aldirman

mar' low The saide day It was deliuerit be ane Suorne assis' Jonhne Colisone forspekar that Jonhne low hed falyeit in his preyve anent the pament of aucht li' and xv s' quhilkis was assignit him to preywe pait for Dauid mar in his defalt And the borghe strekit be the saide Dauid one the saide Johne for the wranguis' haldin of ane assedacion' fra him of his Croftis was fundin of vaile for the quhilkis the said Dauid Johne was in ane Amerciament of the court and aw to deliuer the said assedacion to the said Dauid and to amend as law will et cetera and that gevin for dome of the quhilkis the said David askit Instrument befor thir witnes Alexander chamer aldirman thomas fyff Alexander chamer yongar Androw Cullane thomas leslie balyeis Alexander gray mastir Alexander gordone James Colisone and philp Dunbrek sergeand

the saide day Alexander menyeis and mastir Walter leslie parsone of mennivir' forspekaris for mariorie scherar Isabell scherar' and marione Scherar' excepit agane Jonhne Colisone allegeand' that he awcht nocht to pas' apone the seruing of the breyve of Inquest purchest be margaret Scherar' becaus' he hed gevin partiall consall and perofferit that in his Ande the said Johne deponit be his aithe he hed gevin his Counsal in the said' action' to the said margaretis expedicion and stude with hir' at the bar' in furthiring of the samyn matir

Curia balliuorum de Abirdene tenta In pretorio eiusdem vicesimo nono die mensis Januarij quo supra