plegii legales Eodem die Andreas Waus inuenit Jacobum colisone plegium legalem quod adam ruthirfurd' erit Indempnis pro eo et parte sua aliter quam per viam Juris Et Idem adam inuenit dominum Johannem ruthirfurd' plegium legalem quod dictus Andreas erit Indempnis pro eo et parte sua aliter quam per viam Juris

mar' the saide day it was deliuerit be ane Suorne assis' Jonhe retre forspekar that thomas mar' sal deliuer to thome menyeis his demi nethis gif it cane be gottin falyeing tharof als' gude ane demi nethis be suorne prisaris and iij s' for his Cobill hir

Curia balliuorum de abirdene tenta In pretorio eiusdem sexto die februarij quo supra

Donald' bandone the saide day It was accordit betuix Symon gardin and Donald' bandone that gif the saide Symon cumis him Self and Inhabitis the hous' that he has in tak of the saide Symon the saide Donald is content and gif the saide Symon cumis nocht him self and Inhabitis nocht the said hous the said Donald' sal bruk it and nocht flytt payand' his maile as obefor'

gray monrow The said day comperit Alexander gray burges of the said burghe' ande said sere balyeis of this burghe' It is cumin to my knalage that thar' was gevin in ane pretendit court of youris haldin in the tolbutht of the said burghe the xj day of Januar' the yer of god et cetera nyntj and fiwe yeris last bipassit ane pretendit dome agannis me for ane Callit androw monrow be the moutht of Jonhne Williamsone pretendit dempstar of the said pretendit court tueching the bringinhame of ane dispensacion pertening to the said Androw monro eftir the tenour of ane writ maid be me the said Alexander to the said Androw as he allegis as at mair lintht is contenit in the pretendit borghe' and process' deducit tharapone the quhilk dome thus gevin contra me is evile and fals in It Self becaus' it was gevin at the Instance of the said Androw monro contra the law I nocht beand warnit lauchfulie nor procest be the according to the ordour of law say that I coud nocht provid for remede of law to the pretendit ferde day of the pretendit dome and process' protestand for may resonnis to gif in for my defence in the said matir quhen and quhar It efferis Ande herapone henry Orvm sergeand of this court I fynd ane borghe' in your hande the quhilk I pretend to follow witht al diligence within the terme of law And to the follouing and perseving of the falsing of the saide dome the said Alexander oblist and' band him be his landis and gudis his hand vphaldin In the best ande Seuerast forme according to our' Souerane lordis lawis befor the Jugez quhome It efferis day and place according tharto And askit Instrument of me sere Johne stirueling clerk and notar of the Court herapone befor thir witnes Jonhne Colisone thomas prat Duncan Colisone Williame Wormet sere Androw Colisone henry Orvm sergeand and Jonhne Williamson dempstar of this court