mar low The saide day comperit Jonhne low befor the balyeis and producit ane acquitance of sere William Rollandis quhilkis follouis I sere William rolland procurator the chaplanis of the cathedral kirk of Abirdone and collector grantis me to haue resavit full pament and contentacion of the annuell' aucht out of Dauid marris Croftis the space of fywe yeris terme be terme fra Johne low excep ane terme that is to say xv s' pait be David mar Ande atour thar is avand this last Witsondais terme and martimes ande of the forsaid resait I discharge the said Johne low becaus' he pait it of the said Dauid marris commavnd In witnes herof I haue subscriuit this acquitance with myn avne hand at Abirdene the xxviij day of nouember' the yer' of god jm iiijC nyntj and fyve yeris And for the mair' Securite I haue procurt the Sele of official of Abirdene quhilkis acquitance the said Johne allegit his preyve that was assignit to him be the ak obefor anent viij li' and xv s' pait for Dauid mar' And the said David mar allegit the said' John falyeit in his preiw and askit ward and dome tharapon and the balyeis for waknes of the court continevit the said action to the decision' of the aldirman and Consale

low mar' the saide day comperit Jonhne low and requirit the balyeis to caus' Dauid mar to Sueir' be his aithe quethir he chargit him to pay the annuell' of his croftis to the Collectour' and gif the said Dauid refusit to sueir' he wald' suer'

gillegandy the said day maly gillegandy was conuikit be ane Suorne assis' Dauid mar' forspekar for strubulance of Androw chamer et cetera gif euire scho committis ony falt to the said Androw and beis conuikit tharin scho salbe Secludit out of the tone

menyes The saide day comperit gilbert menyes and producit ane protection grantit be our Souerane lordis hienes vndir his priue Seile to Dauid menyeis And' ane letter of our Souerane lordis hienes dischargeand' ale officiaris of distrenyeinge of the saide Dauid and ale vthiris anent the discussinge of ane dome be the court of burrowis anent ane half nethis fischingis of the furdis In his absence beinge in the kingis seruice and Reintegrat the said Dauid to siclik richt of the said demi nethis fischeinge as he hed befor his legacion and passinge in Ingland in our soueran lordis seruice as in the samyn lettres mair' fullie is contenit

monrow gray the saide day Alexander gray lauchfull callit and nocht comperit to ansuer' to the borghe' strekit one him be Androw monrow anent the hame bringin of ane dispensacion et cetera tharfor the balyeis chargit Androw nachtj sergeand' to distrenye and tak ane distreis' of the said Alexanderis and lat it agan and It be askit agan to borghe and warne the said Alexander to the law day next eftir yule to ansuer' to the said borghe as law will