broustaris the said day Elizibeth' lichtone and canny Duncansone be thar avne tonge graunt was in ane Amerciament of the court for the brevinge and sellinge of viij d' aile et cetera

Curia balliuorum de Abirdene tenta In pretorio eiusdem xxmo die nouembris anno quo supra

ogiluy baxtar The said day patrik nicholsone baxtar grantit him avinge to the lard of Ogiluy Sevin pundis vsual money of Scotland for certane quhet bocht and resauit quhilkis some he oblist him be his handis landis and gudis ande be the fatht of his bodie to pay to the saide lard of Ogiluy and haue it to him or vphalie day at evin that next cumis but fraud or gile

Copia assedacionis de le Justice myll' Be it kend til ale men be thir present lettres vs aldirman balyeis consale and communite of Abirdene to haue sett and to maile lattin and be thir presentis lettres Settis and to maile lattis to our louetis Alexander Coupar and Johne of myle ale and haill our Justice myll' with the croft one the Est part of the samyn and the bank betuix the gate and the burne one the west part of the said myll' with thar pertinencis for al the termes of xv yeris to be haldin and hed ale and haile our said myll' croft and bank with thar pertinencis to giddir with girs' pastouris and lesouris to sex hedis of nolt tua hors or meyris to the saidez Alexander and Johne equalie betuix thame and to thar assignais ane and may nay gretar than thame Self Induellaris of the said' burghe thar subtennentis and helpis with ale and Sindrie I multuris fredomes commoditeis asiamentis and profitis pertening or may pertene tharto the Entray of the saide Alexander and Johne salbe in and with the said' myll' croft bank and pastouris at the fest of Sanct martyne next and immediate thareftir follouing the date of thir lettres And frathinfurtht to continew in peciable' Josin and breukin the samyn quhil ale the termes of fyftene yeris haile and togiddir be fullely complet and runnyn but ony Interrupcion or breik of termes or yeris Impediment or demand' the saide Alexander and Johne payand' tile vs and our Successoris yerlie Ilkan yer' tene merkis vsuale money of Scotland' at thir termes eftir follouing that is to say foure markis Sex s' and viij d' at Witsonday next hereftir follouing And vj s' and viij d' defaltit to the said Alexander for the bigin of the said myll' And fyve markis at martymes next thareftir follouing and say furtht fywe markis at Ilkan of the said tua termes quhil the said xv yeris be fullie runnyn for al vthir thingis that may be askit or requirit tharof induringe the said termes And atour the saidez Alexander and Johne sal bige vpmak and vphald the said mill' deuly as afferis and leif tham wele soueralie and trastlie bigit at the vsche of the said termes be the sicht and consideracion of the balyeis and consal for the tym And we the said aldirman balyeis consal and communite sal warand kep and defend al and hal our said myll' croft and bank and pastouris with thar pertinencis to the said Alexander and Johne and to thar assignais subtennentis and helpis for al the termes of xv yeris as said is agans al dedlie al fraud and gil avay put In witnes' of the quhilkis we haue affixt our commone sele to thir lettres at Abirdene the xxij day of octobre the yer' of god jM iiijc nyntj and fyve yeris quhilkis sex hedis of nolt ij hors' and meris sal haue pastouris of the common pastouris of the said' burghe with fre vsche ande Entray but fraude or gile

Copia littere assedacionis molendini superioris Be It kend tile ale men be thir present lettres vs aldirman bailyeis consale and communite of Abirdene to haue Set and to maile lattin and be thir present lettres Settis and to maile lattis tile our louet frendis patrik clerk William belty and Richard Redhed burges of the said burgh' ale and haile our vuirmyle vith the pertinence liande vithin the saide burgh for ale the termes of threttene yeris To be haldin and had to the personis thar ayris assignez and subtennentis nay gretar thane thame self' Induellaris of this said burgh' one this maner The tane half of the said myle to the said P and the tothir half to the saidez W and R equaly betuix tham with ale and Sindrie multuris fredomes commdoteis commodities asiamentis and profitis pertening or may pertene tharto The Entray of the saidez patrik W and Richerd was in and with the said myll at the terme' of Witsonday last and immediat precedande the dait of thir lettres Ande frathinfurthe to continewe in peciabile' Josin and breukin the samyn quhill ale the termes of xiij yeris haile and to giddir be fullely complet and runnyn but ony Interrupcion or brek of termes or yeris Impediment or demavnde to be maide in the contrar The saidez patrik W and Richerd thar ayris and assignez payand' yerlie tile vs our Successouris or assignez auchtene merkis vsuale money of scotlande at tua vsuale termes in the yer' martimes in vintir and Witsonday be ewinle porcionis allanerlie for ale vthir thingis that may be askit or Requirit tharof Induring the said xiij yeris Ande atour the saidez patrik William and Richerd thar ayris or assignez sale deliuer the said myle weile and sufficientalie bigit in ale thingis according' to hir be consideracion' of fywe suorne' personis at the vschey of the said xiij yeris to the aldirman bailyheis and consale for the tyme but fraude or gile And we the saidez aldirman bailyheis consale and communite and our Successouris sal varand kep and defend our said myle vith the pertinence to the saidez P W and R thar ayris assignez and subtennentis for the termes of xiiij yeris as said Is as agannis ale deidlie ale fraude and gile avay put In witnes of the quhilkis we haue hungin our commone Seile to thir lettres at Abirdene the xvj day of august the yer' of god jM iiijc nyntj and Sex yeris