Wile ansuer to vs apone the execucion of your office And vndir ale payne and charge that eftir may follou deliueringe thir our lettres be you deuly execut and Indorsat agane to the berar' gevin vndir our priue Sele at Abirdene the x day of nouembir and of our Regne the vij yer' quhilkis letter beand herd seyne and vndirstandin the saide Dauid askit ande requerit the said balye to minister Justice to him in the saide action' accordding to the tenour of our Soueran lordis lettres be virteu of his office and the saide balye with avis' of the consale the said Dauid beand' remouit causit philp Dunbrek officiar' and mastir Jonhne badenaghe' notar with thre famous' personis and witnes Alexander gray Duncan talyour and James Crage pas' to the Innes and hous' of Androw murray and warne him to cum and ansuer' to the borghe strekit one him be the said Dauid as the ferd day of proces' nocht withstandinge he was lauchfullie warnit tharto obefor And the saide officiar' befor the notar and witnes forsaid passit and warnit him at his saide hous' to the saide day to ansuer to the said borghe' as law wile quhilkis war Sufficientlie preuit in the said courtis And thareftir the said Dauid askit and requerit the saide Androw to be lauchfullie callit to ansuer to the said borghe as the ferd day of proces' quhilkis oftymes Callit and nocht comperit the saide Dauide fand ane borghe' in the hand of the said philp Dunbrek officiar' that he herd recouerit his clame apone the saide Androw that he wranguislie postponis deferris and refusis the resate of lxxx li' vsual money of Scotlande for the redempcion of demi nethis fischingis of the furdis for null defens' and askit ward and dome Ande the said Dauid beinge removit and the saide Androw nor nayne vthiris present for him Apon the quhilkis borghe the court riplie avisit the processis herd and vndirstandin wardit be thir personis vndir writin that is to Say Alexander chamer of murchill Robert blinsell Alexander Rede Jonhne Colisone Johne Wormet thomas prat William blinsell Alexander gray thomas mar' patrik leslie William gray Duncan smyth Richard Waus' thomas Symsone William Colp Johne Waus' in futy Dauid talyouris mark Scot henry rede and henry bavne And gif for dome be the moutht of Jonhne Williamson dempstar of the said courte that the said' borghe Strekit be the said Dauid is of vaile for null defense And the said' Androw in ane Amerciament of the court et cetera sic as he aw to tyne of law et cetera

pipar Eodem die Johannes andirsone solutus fuit de viij s' per Robertum pipar' content' in quodam acto precedente

bawne Eodem die henricus bavne amerciatur per assisam ex ore Alexandri chamer prelocutoris assise pro perturbio Alexandri talyour' et familifamuli Alexandri Wilson' sub Cilencio noctis quibus emendabit ut Jura volunt Et Soluet x s' fabrice ecclesie Abirdonensis Et si In postrum tales iniurias facere contigerit et Inde conuictus fuerit Secludendus est de burgo et dictus Alexander et conuicti de omni perturbio

bavne and his man the saide day Dauid patersone seruand to henry bavne conuikit be ane Suorne assis' Alexander chamer forspekar for the wranguis' Strubulance of Sandy talyouris vndir cilence of the nichtis et cetera the said Dauid conuikit be ane assis' the saide Alexander forspekar for the strubulance of seruand to Sandy Wilsone vndir Cilence of the nycht et cetera and to Amend to the saide partes as law wile et cetera

ramsay The saide day Jonhne ramsay grantit him avand to thome Symsone x s' to be pait be yule next hereftir follouing And atour he and his wif one that ane part and the said thomas one that vthir part was oblist and Suorne to stand at the ordinance of the four' personis chosin betuix tham obefor and Ilkan to caus' the persons chosin be tham cum and giffertht thar' deliuerance herintill of the debatis betuix tham