Colisone perpont The saide day the aldirman and balyeis assignit monunday that next cumis to Jonhne Colisone to ansuer to Alexander perpont Inglisman and mercheand of londone for al Sommes of money and gudis ande for al vthiris thingis that he has to say to him And in likuis' thai ordanit the saide Alexander to ansuer to the saide Jonhne for ale Somes of money and gudis and for ale vthiris thingis that he has to say to him eftir the tenor' of our Souerane lordis lettres direkit to thame tharapone

Curia balliuorum de Abirdene tenta in pretorio eiusdem xvo die Septembris anno quo supra

chamer rudmalis The saide day the aldirman balyeis and diuers' of the Consale and communite grantit and Sett to Alexander chamer in the schipraw the rudmalis for five yeris next hereftir he payand yerlie fyve pundis vsual money of Scotland for the said rude malis and thai haue quiet'clamit him of the Remanent of the said malys Induringe the said termes for the wyne takin fra him to the kingis propin and ordanit to mak him ane assedacion herapon'

Crag gray Angouson' The said day Robert crage Alexander gray and Alexander angosone Ilkan of thame has lent fourty Schillingis to the tone to quhilkis was gevin in ane propine to the Duk of ros' for the quhilkis the tone grantit to be thankfule to thame at the next generale assedacion' And to haue and to thame gif ony takis wakis conuenient for thame Ande to help thame befor vthiris Ande falyeinge tharof the tone sal pay tham the saide money within ane yer' hereftir

Colison' perpont The saide day the action' debatabile dependand' vndecidit betuix Jonhne Colisone one that ane part Ande alexander perpont Inglisman and merchand of londone one that wthir parte eftir the tenoris of the ak obefor is continevit with consent of batht the said partiis to friday that next cumis in hoipe of concord but preiudice tile ony part in siclik strintht force and effect as it was obefor