Ouchterles gilespy The said day the aldirman and balyeis offerit thame redy to minster Justice to Robert ouchterles anent ale thingis that he hed to say to Johne of gilespy and his procuratouris beand present offerit thame redy to abid' at the minstracion of Justice befor the aldirman and balyeis Ande the saide Robert refusit to follow or persew ony thingis befor the saide Jugis that tyme

Sclugy The saide day the court wardit Schew for law and gaff for dome that Jonhne Sclugy falyeit in his preywe of the pament of thre pent Stane of woll and the valour' of It to William philpe and aw to pay the saide thre Stanis of woll within terme of law

gilespy ouchterles The saide day Comperit Alexander chamer of murchill D and Dauid mathesone procuratouris to Jonhne Sclugy of Sclugy gilespy ande producit ane Instrument vndir the Sele of thomas fyf bailye for the tyme makand' mencione that that the saide Jonhne was in possessione of ane lande liand' in the Castalgate one the Southt part of the samyn gate betuix the lande of Dauid mathesone one the Est parte and the lande of Jonhne malisone on the west parte In ane Croft liand beside our lady well betuix the croft of Williame Kimdy one the Southt parte Ande in ane rude pece of land liand in the grene betuix the lande of vmquhile John gregory one the Southt and the land of Wilyeame modane on the northt' eftir the tenor' of the letter of Sesin direct' fra the kingis chapell

Curia balliuorum de Abirdene tenta in pretorio eiusdem primo die Septembris anno quo supra

menyeis murray The saide day the aldirman and balyeis assignit friday eftir the law day next eftir the fest of Sanct michaell to Androu murray eldar to ansuer to the burghe' strekit one him be Dauid menyeis that he wranguislie postponis deferris and refusis the resat of iiijxx li' vsual money of Scotland' for the redempcion of ane half nethis fischingis of the furdis annaleit to him be Alexander menyeis the quhilk Androw promittit that quhat tyme he promittit pait him lxxx li' betuix this and mertimes ane yer' thareftir he sulde renvnce al richt and clame of richt of the saide fischingis to the saide Dauid Ande discernit the copy of the said' borghe to the saide Androw