philp The saide day the aldirman and balyeis assignit friday that next cumis to Williame philp to ansuer' perempturlie to the borghe' strekit one him be Wat atkin for the wranguis' haldin fra him of xliij s' and viij d'

lammyntone The saide day it was deliuerit be ane Suorne assis' Dauid menyeis forspekar that Androu lammyntone sal pay to Jonhne lammyntone xxxiij s' and iiij d' within xv dais eftir the fest of Sanct michaele next hereftir follouing but ony langar delay dilatour' or demavnd'

chamer The saide day the aldirman requirit and askit at Alexander chamer in the Schipraw to schew gif he hede ony tak be wrat or worde of the rude malys and it suld' be kepit him

ydill the saide day Duncan ydill was quyt of xviij s' g' and vj g' clamyt and follouit be Anthonius laurence procurator to the tutouris of the barnys' of vmquhile Arnalde Wanstakinburghe be ane Suorne assis' Williame blinsell forspekar'

blak freris The saide day the aldirman balyeis and diuers' of the consale and diuers' of communite of the saide burghe' grantit and promittit to pay to the priour' ande conuent of the blak freris of this tone fyve chaldir of lyme or the valour of it at the makinge of the next generale assedacion of the girsomes of the samyn in finale pament of xiij merkis clamit be thame wantand of thar' pensione be the deces' of Sandy rolland' tollar' of this burghe