be thar' aithis and conscience eftir the faculte of thar gudis

Culane The saide day Jonhne of Culane grantit ane writ contening fiwe pundis gretis producit in Jugement be the procuratouris of the tutoris of the barnis and executouris of vmquhile Arnalde vanstakinburghe Ande allegit the saide Some pait and askit ane lauchfull day to preywe his allegeance Ande the aldirman and balyeis assignit to the saide Jonhne the law day eftir the fest of Natiuite of god' next eftir folloing the date of this ak befor thame and falyeinge tharof to pay the saide fyve lib' g'

The saide day the haill tone chesit Alexander red aldirman sere Jonhne ruthirfurde of tarlane Alexander chamer of murchill Alexander menyeis Jonhne Colisone commissaris to pas tile Edinburghe to defend' thar heretage clamit be Androw Wode and ordanit ane commissione vndir the commone Sele to be gevin to thame for that matir and ale vthiris summonce beand' apone the tone

Curia balliuorum burgi de Abirdene tenta in pretorio eiusdem xxiij maij anno quo supra

Colp The saide day the aldirman balyeis Consale and communite gathtreit be premunicion and warning of the handbell throw the haill toune grantit to Williame Colp and cristiane turing his Spous' and to thar' ayris ande assignez' thar' handbell with ale profitis for ale the termes yeris and dais of the generall assedacion of this burghe' Instant' fre And at the next generale assedacion thai grantit him and hir' ane thridpartis nethis fischingis of the wattir of Done to thame and thar' ayris and assignez' burges and Induellaris of this burghe for fyve yeris thai payand siclik maile and grissome as vthiris pais for siclik takis And' ordanit ane assedacion and ane commissione vndir thar' commone Sele be gevin to thame herapone in dew forme and chesit thir personis commissaris Alexander menyeis Robert blinsele Jonhne Culan Johne Colisone Jonhne Wormet and thomas prat ffor the quhilkis to be done and fulfillit but inconuenientis the saidez William and cristiane has renuncit quiet'clamit and ourgevin to the said' aldirman balyeis Consale ande communite al decretis lettres evidencis writis ande richtis to giddir with ale expens' mad' tharapone of ane half nethis fischingis of Done decretit to thame be the lordis of our Souerane lordis consale and grantit that thar was nay execucion maid' of the kingis lettres anent the horne apone the officiaris of this burghe of the quhilkis the aldirman askit Instrument of me befor thir witnes Jonhne Culane Alexander menyeis Jonhne Wormet Jonhne Colisone thomas mar' Alexander nachty Richard Waus and sere Androw chamer