narne The saide day thomas chamer tailyour' ande thome tailyour his seruande complenyeit to the balyeis that thomas narne flessar vrangwislie hed cumin in his hous' vndir cilence of nicht ande distrubulit him and his seruande the quhilk the saide thomas narne denyit ande incontinent the saide action' was put to the decisione of ane assis' of thir personis vndir writtin witht consent of baitht the partiis that is to say Dauid mathousone' thomas mar Alexander nachty thomas Waus Alexander chamer in the chipraw gilbert Riburne Robert evinsone cristy prat Jhone fechat henrik red and Jhone lamyntone quhilkis riply avisit the gret aitht suorne the resonis ande allegacionis witnes and previs of baitht the saide partiis herd seyne ande vndirstandin fand and deliuerit be the moutht of the saide Dauid mathousone that the saide thomas narne hede wrangvislie cumin ande distrubulit the saide thomas chamer ande his seruande within his avne hous' vndir cilence of nicht for the quhilkis he was in amerciament of the court and tile amend' as law will and forber in tyme tocum Ande the saide thomas chamer ande his seruand quyt of ale strublance of the said thomas narne

Curia balliuorum de Abirdene tenta in pretorio eiusdem penultimo die maij Anno quo supra

Watsone The saide day Androw Watsone was maid quyt be the saide assis' of nyne pundis g' and tene s' g' follouit be the said' Antone lourence procurator to the tutouris of the barnys of vmquhile Arnald' vanstakinburghe and to barbora his executor'

The saide day It was deliuerit be ane Suorne assis' Williame blinsel forspekar that the skippar of the franche Schip sal resaue the cow that he bocht fra Androw lammyntone and deliuer him xxiiij s' Scottis money

lammyntone The saide day philp Dunbrek officiar' at commavnd of the balyeis chargit be his wand Androu lammyntone to reman within the tolbutht quhil he pait xxxiij d' and iiij d' to Jhon' of lammyntone vndir payn of tynsale of his fredome