Curia balliuorum tenta in pretorio eiusdem xxmo die Julij anno quo supra

dominus J ruthirfurd prepositus the saide day sere Jonhne ruthirfurde fand a borghe in the hande of philp Dunbrek officiar' of this court that Jonhne Culan aldirmane wranguislie and aganis the law has fischit and Intromettit with ane demi nethis fischingis of the mydchingill pertening to him quhilk he has in take in the generale assedacion of this tone and wrangwisle haldis fra him the fische and proffitis of the samyn quhilkis borghe was continevit be the ballies for waknes of the Court to monunday that next cummis but preiudice till ony party in siclik strintht force and effect as it is this day and batht the partiis present personaly and warnit to the saide monunday

dominus J ruthirfurde prepositus The saide day sere Jonhne ruthirfurde and William blinsel his forspekar requirit and askit Jonhne of Culane the aldirman to ansuer' to the borghe' strekit vpone him for the wranguis' fischinge and Intrometinge with ane half nethis fischinge of the mydchingill pertening et cetera to him Ande the saide aldirman askit ane lauchfull day to ansuer to the saide burghe' Ande the saide William forspekar to the saide knicht fand' ane borghe' In the hande of philp Dunbrek officiar' that the saide aldirman aw to haue nay langar day to ansuer' to the saide borghe' for his saide tak nay he sulde do haue to ansuer for the kingis malys Ande the saide ballieis with avys' of the haill court has continevit the saide borghe' in siclik force and effect as it is this day but preiudice till ony party to this day xv dais Ande has assignit the saide aldirman to ansuer' to sere Jhonez' borghe' strekit vpone him obefor for the wranguis' Intrometinge and fischinge of the saide demi nethis fischez of mydchingill Ande gif the aldirman desiris a langar delay or day to ansuer to the saide borghe' thane the saide borghe' strekit be the saide William sale haue ane decisione gif he aw to haue ony langar day of law

Curia balliuorum tenta in pretorio eiusdem xxiij die Julij Anno quo supra

The sext day of august the yer' within writin In presence of ane Reuerende fadir in god Williame bischop of Abirdene thomas fyf and Jonhne menyeis tua of the ballieis of Abirdene the decisione of the borghe' strekit be sere Jonhne ruthirfurde of tarlane apon Jonhne Culan aldirman for the wranguis' fischeinge of half nethis fische of the midchingile with consent of batht the said partiis was continevit to Wednisday eftir the law day to haue ane next eftir folloand' the fest of Sanct michael immediate eftir follouing the date of this ak that day to haue ane finale decisione of law within the tolbutht of abirdene befor' the officiaris of the samyn Ande the fische in the meyn' tyme of the said' demi nethis to remane stile and the tothir demi nethis fische diuisit for mastir Androw cadiow quhilkis the said aldirman fischit sal ly in the factis vndiuisit and vnpakit bot soueraly kepit to the said day quhil it be knavne quha hes richt to thame but ony dilatoris fraude or gile