dominus de Jhonston' Wormet the samyn day alexander Jonhnestone of that Ilk grantit and saide that he sulde bringe the suerde clamit be William Wormet be fasterinewin' and deliueritit to him Ande falyeing tharof he sall bringe the man that he gat the suerde fra at the saide terme and entir him in the tolbutht befor the aldirman and balyeis

buchanis wyf the samyn day sere Jonhne ruthirfurde aldirman complenyet to the balyeis that Anny strathachin the wyf of Wille buchane hede wranguislie and agannis the law maide senestir ewill and fals' relacion apon' him and askit tham to sende thar officiar' for hir that he mycht haue remede of law And' thai as accordit tham of thar office Sende Androw nachty seriand to the saide Agnes and charge hir to comper befor tham for tile vndirly the law quhilk seriand personalie comprehendit hir and chargit hir in the kingis name and the balyeis to cum to the tolbutht to ansuer as law will for the saide ewile relacion and scho ansuerd that scho hede nane erand' thar and wald nocht cum And' thareftir the balyeis ordanit philp Dunbrek seriand' to pas' and warne hir to comper befor tham on' monunday next to cum to ansuer to the said wrangis

torre leithe the samyn day thomas prat allegit him tutour testamentale to Anny torre leithe and scho was passit fra him quharfor he protestit Solemptlie quhat the saide Agnes happinnis to do but his consent turne to nay preiuduce

gardin The samyn day it was deliuerit be ane assis' alexander rede forspekar that Syme gardin sal pay j bonat Jonhne fechat / Ande gif the saide Jonhne cane preyf that the saide Symon' putt the saide Jonhne out of his hous' befor the terme than the saide Symon' sal pay him the the saide hous' maile And' the saide Symon' is quyt of al vthir clamis follouit be the saide Jonhne

Curia balliuorum burgi de abirdene tenta in pretorio xxij die Nouembris anno quo supra