keling' the samyn day It was statut and ordanit be the aldirman and consal that nay man by kelinge to corff vnto the tyme the towne be seruit and quhil ane hour' eftir nowne be passit vndir the payne of eschett and ane vnlaw vnforgewin' et cetera

Gustatores seruice pro anno Instante In the evin quartar philp Dumbrek seriand' Jonhne Walcar and Williame cuming Cunnaris In the Crukit quartar Duncan straloche seriand' Henry tulidef and george pottar cunnaris In the grene quartar Androw nachty seriand' patrik Wys' and William Wobstar cunnaris In futy quartar alexander allanson' seriand' Robert scleiche and Duncan heruy cunnaris

candilmakaris the samyn day it was statut and ordanit be the aldirman and consale that ale candilmakaris that makis candill to Sell sal mak and Sele sex vnce of wele maide candill dry wekis for j d' and sell tham be wecht

the samyn day magis patonson' conuict' for breuing of xij d' aile

Ale thingis aucht to the tovne salbe payt the samyn day it was decretit and deliuerit be the consale that ale personis awand' ony gudis to the towne sall gyf compt rekning and pament to the towne of the Somes and gudis that thai rest awand' be akis and vthir ways