cadiow bogy In the balye Court of Abirdene haldin in the tolbutht of the samyne the thride day of September the yer' forsaide mastir Androw cadiow one that ane part And' Jonhne bogy baxtar one that vthir parte ar oblist be thar handis to stand' at the ordinance and deliuerance of Jonhne menyeis Williame blinsele sere Jonhne stirueling and Williame goldsmitht anent the avale of ane gold Ringe with ane saffer' and the pament of It

atkin the samyn day it was fundin and deliuerit be ane assis' thomas fyf talisman that Wat atkin sale pay to Robert of chamer alevin merkis half ane merk and v s' of lubysmoney of his malt tar meile and lent siluer the xlv s' optenit obefor' apone the said Walter allouit tharintill quhilkis extendis to iiijor li' xiiij s' and vj d' fre siluer

rede Waus The saide day Alexander rede grantit that he sulde ger thome Waus be pait of the gudis promittit to him be Will gregory within xv dais gyf he appontis nocht with his gude modir

atkin the samyne day Walter atkin allegit that the gudis that Dauid mathoson follouit him of was testit gudis quharfor he protestit quhat the balyeis dide tharto sulde turne him to nay preiudice

atkin the saide day the borghe strekit be Androu Waus apon' Wat atkin that he fulfillit nocht his bill of compt and rekning is fundin of vale for the quhilk the saide Walter was in ane Amerciament of the court