clays quhit the samyn day clays quhit mastir vndir god of the litill bus' follouit Jonhne of lammyntone Dauid spens cristy prat thom' gledstane James Kennarty yongar Duncan lammynton' Androw murray youngar and William andirson' for the fraucht of Certane gudis eftir the tenor' of the chartir party maide betuix thame tharapone quhilk was put to the determinacion of ane assis' of thir personis vndir writin that is to say thomez fyf alexander gray James andirson William Vmfray William cryne Jonhne steuart alexander sanchar Androw murray eldar and Jonhne thomson' slugy quhilkis fand' the saide merchandis quyt of fracht becaus' thai offerit thar gudis in the schip and war nocht tane in

lammynton' the samyn day it was fundin and deliuerit be ane assis' alexander rede talisman that clays quhit skippar of the bus' wrangit in the outhaldin of Jonhne lammyntonis gudis out of his schip quhen thai was offerit and to amend' as law wile becaus' he was his frauchtis man and in his chartir party

Statutum pistoris brasiatricum carnificum et cetera The thrid day of August It was statut and ordanit be the aldirman and consale that ale baxtaris haue redy bakin brede tua penny bredis and penny bredis gud and fresche stuf haldinge pace xxiiij vnce the ij d' layf and xij d' vnce the j d' brede / Al broustaris haue gude ayle provabile aile for xij d' the gallone and vthir aile for viij d' the gallone redy / Ale flessaris haue flesche redy beyf and mutone haile stuf / Ande nay fischearis hous' nor Sele nay fische to the tyme thai present the mercat And' that nane tak vphand' to Sele brede aile fische nor flesche derar than the statutis was and Is vndir the pane of law

Wormet the samyn day Jonhne Wormet grantit In opin court haldin be the balyeis him awand' to Androw Wentone xvj s' quhilkis the balyeis chargit him to pay within terme of law

Curia balliuorum tenta in pretorio per balliuos secundo die augusti anno Domini et cetera nonagesimo