Curia balliuorum burgi de abirdene tenta in pretorio eiusdem xxiij die Junij anno quosupra

Culan club the samyn day the actione and clame of arschipe depending' vndecidit betuix mathow Culan one that ane part and Agnes club the relict of vmquhile thomas culan his brothir one that vthir part contenit in the ak obefor is continevit with consent of the saide mathou becaus' the said Agnes was sek and comperit nocht nor yet nay procuratour for hir quhile monunday cum aucht dais the xij day of Julij instant in siclik forme strintht and effect as obefor but preiudice tile ony party

Curia balliuorum tenta in pretorio xv die Junij Anno Domini et cetera nonagesimo

The quhilk day comperit William nicholsone befor the balyeis and producit in Jugement ane testimoniale vndir the Sele of Jonhne colison ane of the balyeis of banf declarand' and making' mencion' that Androw cantuly come borghe' and dettour to the said Wilyeame for j barrel of Salmond' And' the saide Androw and his procuratouris was lauchfullie callit to her' and se the said testimoniale producit ande comperit nocht quhilk day was assignit tharto eftir tenor' of the ak maide tharapone obefore

The saide day it was deliuerit be ane suorne assis' thomas prat talisman that gif mastir Jonhne badenaghe' has othir preve or witnes to preif that Androw lousone was takisman of his half nethis fischingis of mydchingile the saide Androw sal pay the maile of the samyn of this yer' And' gif the said mastir Jhon' gettis nay preve nor witnes than the said Androw sal suer' he was nocht his takisman of the said fischingis and than the said mastir Jonhne sal pay the saide maile and the aldirman and balyeis assignit monunday that next cumis to the saide mastir Jonhne to bring his previs or witnes