The quhilk day it was deliuerit ordanit and decretit be the aldirman balyeis Consale and communite warnit be the bell gathtreit and circualie Inquerit be philp Dunbrek officiare anent the pament of jC lib' of taxt grantit and extentit for thar part of the taxt tile our Soueran lordis mariage that the officiaris that Intromettit with the saide taxt sal fre the tone and sal pas' one thar avne expens' with the officiaris that now ar to mak compt rekning and pament of the samyn tile our Souerane lordis thesaurare and to bringe hame ane acquitance tharof to the towne within the terme contenit in our' Souerane lordis lettres of charge cumin tharapone quhilk is foure dais or ellis thar gudis sale be distrenyeit for the pament of the saide jC li' Ande thar be ony man within the towne that aw ony part of the taxt the officiaris and the tone sale pas' with thame and furyn thame to be pait

chaplanis Retre the saide day it was fundin and deliuerit be the aldirman balyeis and Consale that the chaplannis of the College of abirdene sal Joys' breuk and rays' the annuell Rent of xiij s' and iiij d' gevin to tham be vmquhile Androw Retre of the land' pertening to Jonhne Retre his sone off the quhilk his modir is in coniunctfeftment liand' in the castalgate betuix the lande of Dauid Kintor one the Est parte and' the land' of Robert blinsele on the west parte vnto the tyme thai be infeft in alsmekile annuell of ane vthir land' als strenyeabile sufficient and liand' in als' gud' grond' eftir the tenor' of the evidenc' vndir the Sele of thomas fyff balye for the tyme and the hand' of sere Robert leis notar befor thame producit and Rede

Curia balliuorum burgi de Abirdene tenta in pretorio per ballivos xix die Julij Anno quo supra

penes assedacionem The samyne day the qbalyeis balyeis consale and communite gathtreit for the tym deliuerit and ordanit the last generale assedacion maide and Selit vndir thar common' Sele of thar wattiris and fischingis and landis be reformit agan And' that nane duelland' vteuche the towne breuk ony tak of thar fredome in tymes to Cum quhilkis was warnit opinly be the hand' bele throw the haile towne and gathtreit for the tyme And' thai chesit thir persons vndir writin that is to say sere Jonhne ruthirfurd' aldirman Alexander chamer of murchile Robert blinsele Dauid menyeis yongar Alexander Red' Jonhne Colisone thomas fyf thomas prat and Jonhne Wormet thar commissaris to be suorne and reforme the said' assedacion' And' ordanit the saidis thomas prat ande Jonhne Wormet keparis of thar commone Sele to Sele the said' commission' with the samyne Sele witnes Alexander Iruyne of lunnay Wilyeame Abirdour sere Robert leis notar sereis alexander club Jonhne strachin mathow nicholsone Androw gray chaplannis and vthir diuers' to giddir with alexander menyeis Robert blinsele Dauid menyeis Jonhne colison' and Androw murray eldar

In the balye court of Abirden' haldin the xx day of Julij the yer forsaide Symon gardin was conuikit be ane assis' for the strubulance of mastir Alexander fyf