In the bailye Courte of abirdene haldin the xxi day of Januar' the yer forsaide Dauid moresone was conuikit be ane assis' for the wranguis' halding' of lij s' fra Androw lousone cristy prat and Sandy prat

the said day Jonhne menyeis grantit him to pay the maile of ane auchtane partis fischingis of the crovis of the martimes terme next to cum befor his entray with the saide fischingis becaus' Jhon' menyeis pait the martimes maile last bigan

Curia balliuorum tenta in pretorio per balliuos xxvio die Januarij anno Domini et cetera octuagesimo nono

The quhilk day the aldirman Jonhne Colisone thomas fyff androu murray eldar Wat auchneyff and Dauid prat was chosin ande suorne the gret aithe with consent of the merchandis to lott taxt and extent the costis ande expens' maide for the profit and recouering of the gudis ande merchandice being in tvne lousonnis schipe punde pundlik

the samyne day Robert blinsele and Jonhne Colison offerit thame redy to vndirly ane decisione ande declaracion' of ane assis' of xliiij s' clamit apone the saide Robert be Williame blinsele for the maile of ane thridpart nethis fischingis of the pott set to James cuming ande of xxti s' clamit vpone the saide Jonhne of the maile of ane half nethis fischingis of the mydchingile quhilk the saide Jonhne allegit pait to the common clerk