Curia balliuorum tenta in pretorio pennultimo die mensis Januarij anno quo supra

deposicio J lammynton the firsta day of februar Jonhne lammyntone deponit be his aith' that he come souerte be his hand vphaldin in siclikuis' as Androw lammynton his brothir come to thom Wodman to kep him skathles of al gudis that he come sourete to Androw murray eldar for Cove Jonhnesone

lammynton the quhilk day Androw lammyngton' grantit him avand' to William broys' xl s' of Siluer the quhilk he oblist him be the fatht of his body to pay to alexander rede of petfodellis or ellis to the saide William be fasterinevin at next cumys

deposicio A prat the saide day Alexander prat suorne the gret aith' deponit that he was present herd ande sawe Jonhne of lamyngtone and Androu lamminton' cum souerte be thar handis vphaldin' to thome Wodman to keipe him skathtles' of al gudis that the saide thomas come Souerte to Androw murray eldar for cowy Jonhnesone

the samyn day the court wardit ande gaf for dome that Wat thomson' sal content and pay to Williame of mydiltone v barrelis and j f' of malt within terme of law And' the said Wat in Amerciament of the court for the wranguis' haldin of the saide malt becaus' the said Walter was lauchfully warnit callit and nocht comperit be his self nor his procuratouris as was lauchfully preuit be the officiaris and thar previs producit and suorne