our trast consalour' William bischop of abirden' your prelate and the Remanent of the lordis that we haue now sende to our' Justice ayr' of abirden' ande gif thaim full Compt and rekning of the disposicion of the commone' gude of our said burghe ande certify tham but dissimiliation in quhais handis at the samyn is in say that we may tharthrow consider and knaw in quhome the falt has bene and Is and mak reformacione to be hade tharapone as efferis Ande that ye cheis' your saide thesaurar' in tyme to cum be haile and sic electione of the comunite of our saide burghe and nayne vthir ways vndir the charge forsaid gevin vndir our' Signet at Edinburghe the last day of June And' of our Regne the xxvij yer' James R et cetera quhilk letter Androw murray has in kepin
The samyn day the belman at the commavnd of the commissaris of the assedacion passit throw the toune and chargit ale personis avande ony grosomis to comper one the morne be ix houris in the tolbutht bringand' with him thaim thar girsomis and to heir' the assedacione rede And' falyeing' tharof thai wald' dispone apone thar takis for pament of the Salmond' aucht to the kinge
James Kintor the xxij day of August the yer forsaide James Kintor' comperit befor thomas fif ane of the ballieis of Abirdene in the tolbutht and grantit him avand' to Wat of auchnef fiwe li' and iiijor s' vsual money of Scotland for certan merchandice pait and deliuerit to allan beltmakar for him quhilk he oblist him be the fatht of his body to pay to the said Walter at michaelmes next eftir follouing And falyeing' tharof to pay thre barrellis of Salmond' at the next fischinge thareftir follouing but lang' delay fraud or gile
W blinsel W moir' the xx day of August the yer forsaid thir personis vndir writin that is to say thomas mar' Androw branche James Colison thomes simson James of Kintor Duncan smitht and Jhone of lammyntone suorne the gret bodely aith' at commavnd of thomas fif ane of the balyeis eftir the tenour of the kingis lettres direkit to him tharapon Anent the vale of half a last of hidis waring optenit be William blinsell apon William mar fand and deliuerit the vaile of the samyn extending' to xxv markis And thai allouit xlv g' of ode money to the said William moris fee
Assignacio magistri Johannis gray the xxiij day of August the yer forsaid the aldirman and diuers' of the Consell present for the tyme for the gude of Sanct nicholes' werk assignit to mastir Jhone gray mastir masone the mailis of James lesleis half nethis fisching' of the Raike and the malis of Jhone tolesonez half nethis fisching' of the Raik quhile the queir be biggit And to begyne at the next martimes the tane half in pament And the tothir half at Witsonday thareftir And say furtht termly and yerlie quhil the queir' be bigit And the aldirman and consal grantit tham to keip the saidis James and Jhone fre of al assignacionis maid obefor to the erle marscheal or til ony vthiris