Showing 19831 to 19835 of 30393 results

Curia balliuorum tenta in pretorio per balliuos eiusdem in pretorio xviijo die augusti anno ut supra

ID: ARO-7-0026-01, Volume: 7, Page 26, Date: 1487-08-18

James Kintor The quhilk day James of Kintor resignit his landis liande in the gallougat one the west part of the samyn betuix the lande of alexander sanchar' one the southt and the lande of Androw baxtar one the northt in the handis of thomas fyf balye to be demanyt as law wile for the pament of the siluer aucht to alane beltmakar befor thir witnes Androw branche William blinsel Dauid mar' sere Robert leis and alexander traile

ID: ARO-7-0026-04, Volume: 7, Page 26, Date: 1487-08-18

t rolland the samyn day thomas rollande resignit in the handis of the saide balye ane annuell rent of tene s' for the pament of the saide caldrone of the land of vmquhil Walter pyot liand' one the northt part of the land of vmquhile Richerde of Kintor in the gallougat befor thir witnes alexander traile morice bissat Duncan straloche and Androw branche

ID: ARO-7-0026-05, Volume: 7, Page 26, Date: 1487-08-18

Copia littere regie James be the grace of gode kinge of Scottis To the aldirman balyeis Consale officiaris and communite of our' burghe' of Abirdene greting for samekle' as we haue vndirstandin that in tyme bigan thar has bene gret vexacion and trubule ymangis you throu the chesin of your officiaris and fre disposicion of the common' gude of our saide burghe It is our' wile herfor and we charge you stratlie and commandis that in tyme to cum ye cheis nane officiaris within our saide burghe' be the supplicacion charge nor menys' of ouris nor of nane vthir personis bot be haile electione of the communite ye frely cheis' sic officiaris within our said burghe as salbe knavyn maist ayfaldly set for the common' gude and profit tharof ande for gude of merchandice vndir al the hieast payne charge and offens' that ye and Ilkan of you may committ and inryne in that part agan our' maieste And atour that yhe ande your thesaurar' comper befor our' Justice and A Reuerende fadir in gode and our trast consalour' William bischop of abirden' your prelate and the Remanent of the lordis that we haue now sende to our' Justice ayr' of abirden' ande gif thaim full Compt and rekning of the disposicion of the commone' gude of our said burghe ande certify tham but dissimiliation in quhais handis at the samyn is in say that we may tharthrow consider and knaw in quhome the falt has bene and Is and mak reformacione to be hade tharapone as efferis Ande that ye cheis' your saide thesaurar' in tyme to cum be haile and sic electione of the comunite of our saide burghe and nayne vthir ways vndir the charge forsaid gevin vndir our' Signet at Edinburghe the last day of June And' of our Regne the xxvij yer' James R et cetera quhilk letter Androw murray has in kepin

ID: ARO-7-0026-06, Volume: 7, Page 26, Date: 1487-08-18

rollande the saide day Duncan straloche seriande at commavnde of the balye chargit the saide thomas rolland to reman in the tolbutht quhil he fande Souerte to relef the saide James of the forsaide caldrone

ID: ARO-7-0026-03, Volume: 7, Page 26, Date: 1487-08-18