Eodem die murthacus glenmaling secundo die vocatus ad intrare faciendum Willelmum richartson ad sectam roberti ewynson pro x marcis monete sprucie saluo iusto calculo non comparuit et cetera
the said dai Wilyam blindsel and Dauid marr' ballies forsaid has grantit togif til Dauid hil ane certificacion as acquitance vndir thare seillis for thre li' g' and v s' g' optenit before thaim apon the said Dauid hil be the assignais of malcum mowet . And this certificacion he salhaf or he pay a penny of the pund gretis forsaid
The xix dai of Junij yer' et cetera lxxxiiij comperit in the tolbuthe before Wilyam blindsel and Dauid marr' twa of the ballies of abirdene a nobil man James Innes of that ilk factour to my lord and lady of huntly / and askit payment of xix li' x s' of scottis money at the said ballies acht be Dauid hil to my lady of huntly as assigna to malcum mowat eftir the fourm of the actis precedand / And the said ballies askit at the said Dauid payment of the said some or ellis toschaw thaim his gudis strenyeabil for the frething of him and payment of the some forsaid / And the said Dauid denyit the payment of the said some' and toschaw ony gudis strenyabil tharfor / for the quhilkis the ballies becaus' Dauid hil passit furth of the tolbuthe atour command' of thaim of before / chargit morice besat and philp of Dunbrek seriandis tolok the tolbuthe dur' on the said Dauid and hald him in ward in the said tolbuthe ay and vnto the tym the said lady or hir factouris be fullely pait and assithit of the said xix li' x s' togiddir with the costis and expens' made tharuppon
procuratorium The samyn dai Alexander lesly of wardris constitute george of lesly maistir androw cadiou and Wilyam of chamer his procuratouris coniunctlie and seueraly til ask at the ballies the actis betuix him and James lesly made of before be put til execucion eftir the tenor of thaim and todo for him tharin like as he war' present / promittand ferm and stable et cetera
hil The same dai Dauid hil oblist him be the faith' of his body til content and pay til a Reuerend fadir bischop Robert blacater thre pund g' v s' g' of flandris money in the name and behalf of Isabel culan the relict of vmquhile Alexander howison for the mail of half a nettis fisching of Done of the yer' bigane and toreleve hir of the said some and topay it to the said reuerend fadir or to quhatsumeuer vthiris person or personis it ples' hir wppon the quhilkis alexander rede prelocutour to the said Isabel tuke instrument of ser John' striuelin notar before thir witnes Wilyam blindsel Dauid marr' ballies ser robert leis notar John' of Kintor androw goldsmyth and vthiris sundry