a crafurd The xix dai of aprile yer' et cetera lxxxiij comperit in the tolbuthe before the aldirman and ballies Adam of craufurd and askit marrowschip til him of half a net of the furdis quhilk he has in assedacione of the toune the quhilk demj net he sayd he had present yistirday to bath the cavillis that remanys thare yit and couth get na marrowschip protestand that it turn him til na preiudice anent his part of the fisch beand flayn apon that watir bot that thai cum til his behufe besekand the aldirman and ballies of remede heirof the quhilk demj net he present as said is before thir witnes of the ta cavil henry rede Robert of abirdour Stevin of Kynkorth / and of the tothir cavyl Johne chepman eldar John chepman yongar Wil of tulidef and androw ancroft / with vthir sindry
The quhilk dai before the ballies in Jugement Ranald talyour' entirit and present Johne of narne alexander fynlaw and Rob fleschar' for the quhilkis he becom borch til androw murray eldar for xix li' x s' til gude compt and rekning in presence of the party tofre him of the said borowgang / protestand that he be na forthlear' puruayt be the party vnto the tyme the principale dettouris be fundin vnstrenyeabil for the said some' or ony part tharof sen he had present thaim for his discharge and done that a borch acht todo as he allegit /
Item the samen dai the wif of William rate grantit hir tofre and releve Johne sincler' of the said ix firlotis of meil / and askit the terme of law tobring the principale dettour throu the quhilk scho mycht be fred / and the ballie assignit til hir this day xv dais
maistir J badenach The samen dai maistir Johne badenach factour in that part til a worschipful knycht Sir Wilyam of Knollis commandour of Torfichin grantit him til haf resauyt be the handis of thom symson fyve pund gret of vsual money of flandris in part of payment of a gretar some' acht be him to the said commandour / of the quhilk some' the said maistir Johne grantis him fullely content and pait eftir the tenour and fourm of his quittance made tharupon writin with his awn' hand and producit in Jugement et cetera
The quhilk dai Johne stewart be way of complaynt complenyit that a barel of vynnakir of his quhilk he layd in thom symsonis schip was drawin in the said schip and wawntis a gret quantite tharof / and askit remede of law tharof / the quhilk vynnakir and wawnt of the said barrel / fynlaw fores grauntit and com dettour' tocontent the said Johne stewart tharof within terme of law in samekil as wauntis of the said barel be the said fyndlaw or his falouschip in sa fer as thai mak gude faith