Showing 18426 to 18430 of 30393 results

The samyn dai the aldirman and ballies has assignit til Ranald talyour monondai next tocum tocomper' before thaim and bring with him the thre flescharis that he com borch for til androw murray and thare tovndirly the law as dai peremptour for the some' clamyt be the said androw

ID: ARO-6-0790A-04, Volume: 6, Page 790, Date: 1483-05-07

The ix dai of maij yer' forsaid / It is ordanit and deliuerit be the counsale than beand present for the tym As forsamekil that Johne of Kyntor son to Dauid Kyntor comperit before the aldirman and ballies in the tolbuthe in a fensit court til answer' til his party plenyeand on him of strublance done be him on the nycht before / the said Johne in lichtlying and contempning of aldirman and balyeis as apperit passit furth of the tolbuthe nocht bydand tothoil law na do law as nychbur' til vthir suld do / Tharfor considering the said lychtlynes and contempning / that na man within this burgh house nor herbry the said Johne . bot gif thai warn the aldirman and ballies / and gif it be on the nycht that he be herbryit in ony place within the ton' that thai sal stand for his deid vnto the tyme that thai schaw him on the morn til the officeris tilanswer' and vndirly the law for the offence done be him

ID: ARO-6-0790A-07, Volume: 6, Page 790, Date: 1483-05-09

In the court haldin in the tolbuthe be Johne the vaus ane of the balyeis the second day of maij yer' forsaid / the said balye for waiknes of the court . has delayit the action movit be Androw murray againnis Ranald talyour as borch til him for thre flescharis / and betuix the said Ranald and the iij flescharis to free him of the said borowgang / in sic fourm and effect as it is in this day quhil Wednisday the vij dai of this instant moneth / agane the quhilk dai the balye has chargit philp of Dunbrek seriand towarn the said Ranald to the instance of androw murray and the thre flescharis to free the said Ranald

ID: ARO-6-0790-07, Volume: 6, Page 790, Date: 1483-05-02

The x dai of the moneth of maij forsaid / the consale has statute and ordanit for the contempcion and lychtliing done be Johne of Kyntor son to Dauid Kintor to the aldirman and ballies like as is contenit in the act aboue writin / that in tyme tocum the said Johne and al vthiris forbere and commit nocht sic contempcion and offens vndir the pane of law tobe execute with rigour' as efferis

ID: ARO-6-0790A-08, Volume: 6, Page 790, Date: 1483-05-10

The samen dai the assise has ordanit and deliuerit / that Ranald talyour' sal pay and content til androw murray eldar as dettour' til him for thre flescharis the some' of threttene pundis of vsuale money of Scotland be way of composicion within viij dais next eftir folowand the date of this act

ID: ARO-6-0791-01, Volume: 6, Page 791, Date: 1483-05-07