The viij dai of aprile yer' et cetera lxxxiij in the tolbuthe in presence of alexander rede moris' besat and vthiris thom prat sayd that James of Kintor was warnit tilhaf comperit this day til his instance and comperit nocht
dominus a club the samyn dai ser Alexander club chaplan of the browne croce altar protestit that the deposicion of thom club and his wif turn him to na preiudice anent his annuel of ix s' iiij d' acht til him as chaplan of the said altar oute of a land analijt be thaim to alexander skynnar' / of the quhilk annuel he producit and gert rede ane chartir before the ballies in Jugement sen thai deponit of les annuel than his chartir proportis
In the balye court of abirdene haldin in the tolbuthe the xj dai of aprile yer' forsaid / It was ordanit be ane assise that alexander andirson sal bring the samyn blak money that henry owrum gef him and swere the gret aith that he nevyr disponyt penny of the said blak money bot is hail and complete as the said henry deliuerit it til him / that beand done the said henry sal pay him xiiij s' the quhilk todo the balyeis has assignit til the said alexander this dai xv dais / The quhilk dai assignit the said alexander in the tolbuthe brocht the said blak money before thomas fife balye and deponit be his aith as forsaid is
stewart It is ordanit be the aldirman and consel for the offens done be Johne stewart til the spous' of Dauid menyes the said Johne beand oblist his hand wphaldin tovndirly thare ordinance / that the forsaid Johne stewart for amendis of the said strublance and offence sal pay til James coming balye twa merkis tobe deliuerit til Sanct nicholace wark but delay And gif in tym tocum it be fundin that he mak sic strublance and offens til hir or ony vthir famous' man or woman of this toune he sal pay ten li' at the wil of the aldirman and consel tobe rasit and gevin to Saint nicholace wark
Johannes stewart per confessionem propriam adiudicatur in amerciamento curie pro iniusta perturbacione sponse Dauid menyes and emendare eedem ad visum proborum virorum