quo die Johannes de lambynton' conuictus per assisam amerciatur pro perturbacione Jacobi comyng Willelmi blindsel et thome prat trium ballivorum huius burgi verba iniuriosa proferendo super eisdem ballivis / et tenetur emendare eiis ad visum proborum
quo die Duncanus lambynton' accusatus de infrictione communis ordinacionis et de inobediencia Jacobi comyne vnius ballivorum / non veniendo ad pretorium ad instanciam ballivorum quoniam oneratus fuit per dictum ballivum / Idem Duncanus posuit se in voluntate prefati ballivi de dicta calumpnia vnde adiudicatus fuit in duobus amerciamentis
In curia burgi de Abirdene tenta in pretorio per ballivos eiusdem xv die marcij anno predicto Jacobus ioffrason posuit se in voluntate ballivorum per Dauid menyes iuniorem suum prelocutorem pro iniusta perturbacione philippi de Dunbrek vnius sergeandorum / Ideo adiudicatus fuit in amerciamento curie et tenetur emendare eidem vt Jura volunt
Eodem die assisa alias electa penes actiones debatabiles inter Macolmum mowet tanquam curatum Johannis Kintor filij et heredis quondam gilberti Kintor ex vna et Dauid de Kintor partibus ex altera continuauit et posuit in dilacione huiusmodi actionum decisionem et determinacionem modo et forma quibus post steterunt vsque hodie ad octo dies propter meliorem informacionem habendam et causa absente quorundam dicte assise cuius quidem assise continuacioni dictus Dauid consentiit asserens se in omnibus stare ordinacioni et determinacioni dicte assise Sed Willelmus blindsel iunior prelocutor dicti malcomi nomine eiusdem dissencijit dicte continuacionj protestando quod quicquid inde ammodo factum fuerit aut determinatum per dictam assisam non cedat dicto macolmo tanquam curato dicti Johannes de Kintor aut ipsi Johanni in preiudicium et cetera
Item dictus Jacobus Joffrason conuictus per assisam adiudicatur in duobus amerciamentis in vno videlicet pro inobediencia Duncanj stralogh seriandi in ministracione sui oficij et in alio pro iniusta perturbacione Willelmi blindsel senioris venientis in supplementum dictorum sergeandorum suum officium excerencium / Et dicti Duncanus et Willelmus quieti facti fuerunt per assisam de perturbio prefati Jacobi ioffrason / et tenetur idem Jacobus emendare partibus lesis ad visum proborum virorum / vnde patricius andirson deuenit plegius ballivis ad intrandum dictum Jacobum coram preposito ballivis et consulibus in pretorio huius burgi in crastino post dominicam palmarum proximam futuram ad subeundum ordinacionem et correctionem eorundem per huiusmodi offensis perpetratis Eciam Idem patricius per extensionem manus sue / thome prat vnj ballivorum deuenit plegius legalis pro Jacobo Joffrason / quod Willelmus blindsel senior Duncanus stralogh et philippus de Dunbrek predicti erunt indempnes aliter quam per viam Juris