rolland Eodem die Alexander rolland filius quondam Willelmi roland burgensis de Abirdene cum suo prelocutore Dauid menyes iuniore fecit constituit et ordinauit carissimum fratrem suum Thomam Rollande suum verum legittimum curatum ad Regendum et gubernandum suam personam terras redditus et possessiones ac cetera bona sua mobilia et immobilia sibi de Jure quomodolibet Incumbencia absque aliqua Reuocacione fienda super et quosque ad perfectam et legittimam etatem peruenerit / dicto Alexandro iam existen' ut asseretur et actingen' ad etatem xv annorum Ita tamen quod dictus Thomas curatus antedictus prouideat diligenter pro terris et bonis ipsius Alexandri / et ad commodum et proficuum dicti Alexandri durante tempore prenotato videlicet donec ad perfectam pertingat etatem / Testibus Jacobo cumyne Willelmo blinsel ballivis magistris Andrea cadiow thoma strathachin notario Willelmo more Waltero rolland Dauid prat Andrea murray seniore et Johanne henrici cum domino Roberto leis notario et multis alliis
In Curia ballivorum tenta xxvj die Januarij anno et cetera lxxixno Andreas lammynton et cristiana lermond amerciatur pro perturbacione adinuincem in verbo
quo die Alanus smyth per propriam confessionem adiudicatur in amerciamento curie pro perturbacione eiusdem curie perturbando Nicolaum mason in verbo et emendabit ei ad visum proborum virorum Vnde assisa ordinavit ipsum ad deliberandum j li' cere ad missam Sancti sanguinis in partem emende
Item Nicholaus mason' in amerciamento pro perturbacione curie prout compertum fuit per assisam
Curia balliuorum burgi de Abirdene tenta in pretorio eiusdem vltima die mensis Januarij anno quo supra