Showing 15216 to 15220 of 30393 results

quo die infrascripti electi sunt et Jurati in assisam videlicet Dauid symson Robertus culan Johannes Wormot Willelmus Kyntor Andreas moir alexander trail gilbertus leche Andreas branche Johannes lammyntoune henricus poilson Johannes stevinson filius Dauid crukschank patricius stiklaw andreas baxtar Donaldus strathachin Quj Jurati ut supra ad determinandum decernendum et pronunciandum quoddam plegium porrectum per Willelmum Dog vicinum huius ville contra et aduersus / Johannem horne pro iniusta intromissione cum vna vacca eidem Willelmo ut asseruit pertinen' et desuper prosecut' per duos processus legitimos . pronunciarunt et finaliter concluserunt per Dauid symson eiusdem assise prelocutorem matura super hoc deliberacione prehabita prefatum Johannem horne fuisse et fore quietum et liberum de quacumque intromissione dicte vacce perpetuum cilencium sepe dicto Willelmo Dog desuper imponen' Vnde dictus Willelmus adiudicatur in amerciamento curie pro iniusta prosecucione eiusdem Johannis horne et cetera

ID: ARO-6-0293-03, Volume: 6, Page 293, Date: 1474-04-01

assedacio facta alexandro trail Eodem die prepositus cum maiori parte tocius communis consilij Assedavit alexandro trail burgense huius ville illam botham sub pretorio proximorem cum botha thome prat pro vno anno integro videlicet a festo penthicostes proximo futuro vsque ad aliud festum penthecostes dictum festum immediate sequens pro solucione xiij s' et iiij d' in anno sicut cetere botharum sub pretorio assedantur et soluunt de annua firma

ID: ARO-6-0293-04, Volume: 6, Page 293, Date: 1474-04-01

Curia legalis ballivorum tenta quarto die aprilis anno Domini et cetera lxxiiijo quo die sectis vocatis et curia affirmata absentes patent in rotulo sectarum

ID: ARO-6-0293-05, Volume: 6, Page 293, Date: 1474-04-04

Impigneracio terraris de Bogfarlach facta Edmundo banerman et cetera Omnibus hoc scriptum visuris uel audituris Burgenses et communitas de burgi de Aberdene salutem in domini sempiternam Noueritis nos vtilitate nostra in hac parte vndique previsa et diligenter considerata solempni et frequente tractatu et consilio desuper prehabitis dedisse concessisse et impignerasse ac in vadium immobile divisisse necnon presenti scripto nostro confirmasse dilecto conburgensi nostro Edmundo banerman omnes et singulas terras nostras de Bogfarlach cum pertinenciis Jacentes infra terras nostras communes burgi predicti pro quadam summa centum marcarum vsualis monete scocie restantis non solut' de summa centum et quadraginta marcarum impigneracionis terrarum de ly crois iacencium prope dictum burgum infra vicecomitatum de Aberdene quondam Johannj de banerman patri dicti edmundi facte et ipsi Edmundo Jure hereditario pertinen' ac nobis per eundem Edmundum assignate prout in litteris desuper confectis plenius continetur Tenend' et habend' omnes et singulas predictas terras de Bogfarlach cum pertinenciis prefato Edmundo et heredibus ac assignatis suis de nobis et succssoribus nostris per omnes Rectas metas suas antiquas et divisas In moris marresijs viis semitis et culturis pratis pascuis et pasturis tam in communi quam in proprietate cum curiis et curiarum exitibus et cum omnibus aliis et singulis libertatibus commoditatibus et aysiamentis ac iustis pertinenciis quibuscumque ad dictas terras cum pertinenciis spectantibus seu iuste spectare valentibus quomodolibet in futurum . libere quiete plenarie integre honorifice bene et in pace semper et quousque nos et successores nostri dicto Edmundo heredibus aut assignatis suis ad certos duos terminos per equales porciones aut in vno die inter solis ortum et occasum eiusdem in ecclesia nostra parrochiali beati Nicholai dicti burgi super magnum altare de dictis centum marcis dicte monete in prompta pecunia munerata persoluerimus uel persoluerint plenarie et integre omnibus dolo et fraude remotis firmis vero fructibus et emolumentis dictarum terrarum cum pertinenciis per dictum Edmundum heredes et assignatos suos medio tempore qualitercumque leuatis uel leuandis aut perceptis uel percipiendis in solucione sortis uel alicuius partis eiusdem summe centum marcarum nullatenus computandis quia ipsas ipsos et ipsa prefato Edmundo et heredibus ac assignatis suis pro ipsius Edmundi benemeritis et consiliis nobis impensis concessimus et dedimus pro toto tempore quo dicte centum marce fuerint ut premittitur non solute ex donacione nostra speciali Insuper si contingat nos vel successores nostros dictas terras de Bogfarloch redimere ut premittitur viuente dicto Edmundo uel obimpignerare Volumus et pro nobis et successoribus nostris concedimus quod dictus Edmundus habebit et possidebit dictas terras cum pertinenciis tanquam in assedacione nos sibi assedatas pro toto tempore vite sue cum omnibus liberalibus supradictis Soluendo inde nobis et successoribus nostris dictus Edmundus pro toto tempore vite sue quatuor marcas monete supradicte annuatim et proporcionaliter ad duos annj terminos vsuales penthecostes videlicet et sancti martini in hieme per equales porciones tantum pro omni alio seruicio seculari exactione demanda que in dictis terris cum pertinenciis durante vita dicti edmundi aliqualiter exigi poterit aut requiri Et nos vero burgenses et communitas supradicti totas et integras terras dictas de Bogfarloch cum pertinenciis prefato Edmundo heredibus et assignatis in omnibus et per omnia ut predictum est contra omnes morales varantizabimus acquietabimus et fideliter defendemus De quibus quidem terris cum pertinenciis possessionem dicto Edmundo per Johannem Kyntor vnum ballivorum nostrorum dicti burgi tradifecimus corporalem sibi heredibus et assignatis suis vt premittitur remansuram In cuius Rei testimonium Sigillum nostrum commune dicti burgi presenti scripto nostro est appensum in pretorio nostro eiusdem burgi quarto die mensis Maij Anno Domini Mmo iiijcmo lixo testibus nosmet ipsis

ID: ARO-6-0294-01, Volume: 6, Page 294, Date: 1459-05-04

Johannes Willelmi convictus per assisam de perturbacione iniusta sponse alexandri camere seriandi adiudicatur in amerciamento et cetera

ID: ARO-6-0295-03, Volume: 6, Page 295, Date: 1474-04-18