Eodem die Willelmus filius andree capellanus legittimus attornatus Magistri Willelmi de camera / ex parte Magistri peciit Willelmum camera de key exonerare ipsum de plegiagio in quo ipsum traxit erga Willelmum de strade ad valorem quatuor marcarum tanquam quarto die et peremptorie quo Willelmo legittime vocato et non comparente nec aliquis attornatus nomine suo . Idem dominus Willelmus nomine dicti Magistri Willelmi obtulit tenementum dicto Magistro Willelmo deliberatum per balliuos pro exoneracione dicti plegiagii quibuscumque volentibus ipsum habere pro quatuor marcis et potissime proprinquioribus amicis siue consanguineis dicti Willelmi camera de key tanquam quarto die et peremptorie vnde hora diei legittime expectata / et dicto Willelmo iterum ex habundanti sepe sepius et sepissime vocato et non comparente ad exonerandum dictum magistrum Willelmum de dicto plegiagio petitum fuit a curia quid inde esset dicto Magistro Willelmo faciendum / vnde curia bene auisata decreuit quod dictus Magister Willelmus ad suam peruenit calumpniam / et vsum fructum dicti tenementi pro quatuor marcis causa non defensa et hoc datum fuit pro iudicio per os iudicatoris teste curia

Eodem die Johannes voket tercio die vocatus ad sectam thome lownan non comparuit precipitur seriandis capere districtionem octo solidorum a dicto Johanne et dare ad plegium et citare ipsum nouiter ad proximum diem legalem et cetera

Judicium pendens inter Willelmum de camera patrem et Johannem hervy differtur ad proximum diem legalem propter debilitatem curie

Idem in amerciamento quia percussit et wlnerauit iniuste quendam famulum fratrum carmelitarum

Eodem die stephanus de foresta secundo die vocatus ad sectam Simonis de camera non comparuit precipitur seriandis capere districtionem octo solidorum dare ad plegium et citare ipsum nouiter ad proximam diem legalem et cetera