The said' day Symon fleschar vas conuict' be ane suorn' assis' Williame portar forspekar for the tribulance of thomas leslie bailye in ane fensit cowrt

The xxix daye of august the yeir forsaid' It was ordanit ande deliuerit be the prouest bailyeis ande counsel of the saide burgh present for the tyme that thair sale be gevin til our Souerane lordis henes in propine als mekile vynis as It plesis his mastir of vyne sellar ande seruitouris to tak til his henes to giddir with ane' dosane pundis of schorcatis ane dosane of torchis ane dosane of prikatis and' tua dosane of fyfe of vax quhilk salbe pait of the first ande the rediast money that can' to be gottin of the townis

Curia balliuorum burgi de Abirdene tenta in pretorio eiusdem vltimo die mensis augustj Anno quo supra

The said' daye the bailyeis chargit Duncane Craik to remane within the tolbutht til quhile he haid content ande pait to Symon ellene thre franche crownis eftir the tenour of the actis maid obefor

The said' daye Duncane Craik oblist him be the faith of his body to Content ande pay to Symone ellone or thomas vatsone his factour in his name xviij s' greit vsuale money of flandris betuix this ande michaelmis next heireftir in brugez or Campveris Ande failyeing tharof to pay him thre pundis scottis for Ill the pund' greit betuix this and mertimes thareftir give the said' Duncane bringis nocht ane' sufficient acquietancis of the payment of the said xviij s' greit betuix this and the said' fest of mertimes