The said day thir personis vnder writin has boucht thir witalis eftir foloving as Is writin one thar Namez' fra Williame halkarstone burges of Edinburgh' ffor the pament of the quhilkis Sovmez' the said personis has causit gilbert Menyeis prouest of the said burgh' to be bundin and' oblist to the said' Williame be his lettrez' obligatouris ffor the pament of the said Sovmez' eftir foloving that is to say thomas buchane for the Sovme of viij li' for ane chaldir of ry iiij li' for half ane last of maslawe and xij s' for ane barrel of ry meyl Donald baxter for the Sovme of iiijor li' for half ane chaldir ry Johnne baxtar cannyis sone iiij bollis of ry xl s' Thomas straloche xij bollis ry vj li' Mage baxtar ij bollis ry xx s' Dovny stane baxtar half ane chaldir ry iiijor li' Sandy Donaldsone iiij bollis ry xltj s' Sandy coupar ane bole ry x s' William mar ij bollis ry xxtj s' Johnne mar vj bollis ry iij li' Ande iij barrellis of maslawe xl s' Richerd redhed viij bollis ry iiij li' the prouestis modir iiij bollis ry xl s' Androue gordoun xij bollis ry vj li' Thomas vmfray iiij bollis Ry xl s' ffor the pament of the quhilkis Ilkane of the said personis oblist thame be the faithtis of thar bodijs thar handis wphaldin to pay the aid Sovmez of money to the said prouest betuix this ande mydsomir nixt to cum To the frething and' releving of him at the said Williamis handis
The said' day mastir Androw patirsone one that ane part and Alexander King one that vthir part oblist thame be the fathtis of thar bodiis to stand' at the decret and ordinance of thir personis anent Compt rekning and pament of ale gudis pertening to Sandy king sone and ayr' to vmquhile Alexander King his brothir that is to say Jonhne mar' and patry rede chosin be the saide Alexander King as tutour to the said his brothir sone and William Wormet and James Colisone chosin be the saide mastir Androw
Curia Balliuorum de Aberdene tenta in pretorio burgi eiusdem decimonono die mensis marcij Anno quosupra
The said day the prouest and balyeis assignit the hed' / Court of the saide burghe next eftir pasche to Johne Colisone tile ansuer to the borghe' fundin one him be Robert Waus for the wranguis' haldin fra him of iij bollis of beir' for the maile of ane croft
Savar Wricht The saide day Adam sawar' grauntit ane ax' of James Wrichtis quhilk the balyeis ordanit and chargit him to deliuer to the said James within terme of law