Kyntor malysone The said' day Dauid Kintor allegit Alexander malysone to haue him ane condicioun' that he suld' haue his thridpart fischingis of ane nethtis of the wattir of Done siclik wys' as he hed' his thridpartis fischingis of the said' watter' this yer' bigane quhilk he Offerit him to preiwe And the balyeis assignit friday that next Cumis to the said' Dauid to preiwe his said' allegiance

Cristofer prat thomas chamer henry reid Dauid Kintor Johnne' of Murray Robert hill alexander malisone Johnne andirsone Androu barkar Johnne of crag James strathachin and alexander Nory burges of the said burgh' suorne in ane assis' Quhilkis riplie auisit the gret aitht suorinn' the richtis Ressonis and allegacionis of baitht the said partijs herd sene and' vndirstandin fand' and deliuerit ale in ane voice concordand' the said tennentis and takismen of the raik quyt of ale wrang' in the fischingis at the said placis

Curia balliuorum de Aberdene tenta In pretorio eiusdem decimonono die mensis Januarij Anno Dominj et cetera quingentesimo octauo

The said day Johne leslie of Warderis ser John ruthirford knycht Johne of cullan Androw cullan Johannes colisone Johne' of mar androw fif and' vdiris takismen of the fischeingis of the raik warnit and comperit tile ansuer' for the wranguis' fischeingis at placis boundis and merchis vteuthe' the bondis of the raik quharthrou thai lat and stoppis the fischeingis of the mydchingill pot and furdis eftir the tenour of the bill of complaynt gevin In be Dauid steuart tharapone of the quhilk bill the tenour followez' schir aldirman and bailyeis we takismen and tennentis of the wattiris of the midchingill pot and furdis meuis and complenis to your mastirschippis apon' the mastiris and seruandis of the raik that fischis apone' the sandbed' and vdir placis without thar boundis and merchis of the raik and stoppis and lattis the fischeing to our gret dampnag and skaitht / quharfor we beseik your M to caus the said fischeingis of sandbed and stellis nocht to be wsit in tymis tocum And to desist tharfra that we haue na caus' in tymez' to cum to complene' And your ansuer' herapone' that we neid' nocht to seik remeid' at our souerane lord the king and his lordis of consaile for reformacioun of the samyn gif sa beis that ye wil nocht desist and wse the said fischeingis we mon' seik remeid' and will complene apone' the samyn And your gudlie ansuer' herapone we be seik And in presens of the said Dauid the said bill of complaynt beand' red and vndirstandin the said personis takismen of the raik accusit for the wranguis' occupacione of the said fischeingis denyit all wrang And' thareftir the said takismen askit the said matir to be put to the decisioun' of ane assis' And requirit the prouost and bailyeis be wertew of thar office that thai mycht haue ane knavleg and determinacion' of ane assis' tharapone And Johne of mar forspekar for the said takismen fand ane borgh' in the handis of Willeam scrimgeout officiar' that the said actioun' aucht to pas to the decision' of ane assis' consi//dering thai war accusit for the wranguis' fischeingis at the said placis at the instance of the said Dauid and denyit And thareftir fand' ane vthir borgh' that his borght was of awaile in defalt recovn//tering And' in continent the said actioun' was put to the decisioun' of ane assis' of thir personis that is to say Alexander gray Williame portar malcum crag Duncan fif Androw stratone A

The said day comperit Dauid mar and Willeame Wormet befor gilbert menyheis Prouost thomas Waus and Duncane colisone tua of the bailyeis of the said burgh' schew and exponit how Dauid steuart thar nychtbour had gevin In ane bill of complaynt one thar behalf and vdiris takismen of the vuire wattiris of Dee apone the masteris takismen and seruandis of the Raik anent the fischeing at the stellis and sandbed' / quharfor the said Dauid and Willeame protestit solempnitlie that quhat the said Dauid steuart did in the persewt of that mater suld' turne thame to na preiudice sen' thai war nocht participant with him nor tuk na part with him and denyit the bill of complaynt gevin In tharapone and ale persewit or danger mycht cum thareftir ony tyme tocum