Andirsone forstallar' The saide day Jonhne andirsone was in amerciamentis of the courtis be his avne tounge graunt for the forstalling of the burghe in bying of wole hidis skinnis and for Regrating et cetera

The saide day It was statut and ordanit be the prouest balyeis counsale and communite present for the tyme that euere fyrhous' within this burghe sale furnis' and Sende ane Sufficient werk seruand' with spaide schivile or barrowe to help to Rede the commone loche quhen euire thai be warnit tharto be the officiaris or the hande bele vndir the pane of viij s' vnforgevin

The said' day Alexander gray forspekar for Symon' ellone protestit for Costis Skathtis and expensis maid' and Sustenit be him in the presence of his serplat' and Sacc of wole Castin in the sey be Jonhne craik patry rede mathoue branche and vthiris thar complicis and recouerit of thame as in the actis maid tharapone mair' fullelie Is contenit et cetera

Curia balliuorum burgi de Abirdene tenta in pretorio eiusdem xj die mensis aprilis Anno quo supra

bernis Sponsa Dauid strathachin The said' day the court wardit schew for law and It was gevin for dome that Richerd' bernys hed' falyeit in his preiwe anent iiijor s' allegit pait be him to the spous' of Donalde Srathauchin for the quhilkis he was in amerciament of the court and awe to pay the said' iiijor s'