Curia balliuorum burgi de Abirdene tenta in pretorio eiusdem vicesimo die mensis Decembris anno quo supra et cetera

burgus colp The said day the alderman bailyes counsaile and communite of the said burgh warnit be the hand' bell gatherit and circualy Inquerit be the officiaris grantit consentit and ordanit for cessing of tribull Inquietacioun' of the toune for vnite and concord to be had' and perseuerit that Dauid colp sale haue ane half nethis fischingis of the mydchingile one that watir of Dee for ale the termes of fiwe yeris to be runnyne nixt and' Inmediat eftir this general assedacioun' of the said burgh' Instant be finaly endit he payand' siclik maile girssome and dewiteis as vthiris nichtbouris pais for siclik takis And chesit thir personis gilbert menyeis prouest Dauid menyeis ser Johnne' rudirfurd knicht Johnne' of cullane and androwe cullane commissaris to set the said half neth' fisching to the said Dauid' for ale the termes of fiwe yeris and' ordanit ane commissioun' and' ane assedacioun' to be maid tharupone indurand the said' termes selit vnder thar commone seill in dew forme as efferis and' ordanit the keparis of the common' seill to seill the samyn for

The said day the alderman bailyeis counsaile and takis men of the said burgh consentit statut and ordanit for the pament of thre barrellis of salmond yerly to Dauid colp for the termes of fiwe yeris Indurand this generale assedacioun' instant that the possessouris Joisaris of Ilkane half nethe of the raik sale pay yerly four schillingis tharof four s' now in hand and' yerly iiij s' witht thair maile indurand the said fiwe yeris the brukaris of Ilkane half nethis fischinig of the mydchingill xxxj pennys in hand' and' xxxj pannis yerly witht thair maile The Joisaris and' brukaris of Ilkane half nethe fisching of the pot tua s' in hand' and' yerly tua s' with thar maile Ilkane half of nethe of the furdis sexten' pennis in hand' and' yerly xvj d' witht thar maile Induring the said' fiwe yeris The ioisaris and' brukaris of Ilkane half nethis fisching of Done four schillingis in hand' and' iiij s' yerly witht thair maile Induring the said' fiwe yeris Ilkane sextpart of the crovis tua s' in hand' and yerly tua s' witht thair maile Induring the said' fiwe yeris

The said day the bailyes and' counsaile assignit the male of the half neth' fisching of the Raik quhilkis thomas chamer brukis to gilbert menyeis prouest for the pament of the thre barrell of salmond' to Dauid colp becaus' the said gilbert is bundin for the pament of the samyne to the said Dauid'

broustaris The said day the broustaris of the said burgh' generaly was accusit for the pontis eftir writin that in the first for spilling of mercat befor tyme of day Item for selling of aill or it be cunnit Item for selling of aill darrer than it is set be the cunnaris Item for brekyn of common ordinance for selling of xij d' aile Item for howsin of wittale or it be present to the mercat Item for denying of aile to the cunnaris Item for halding of witall fra the mercat Item for selling of aile witht pontis one signit with the common stampe and met with the Inggale quhilkis denyit and thareftir the said actionis and acquisaciounis was put to the decisioun' of ane assis' quhilkis riply auisit fand' and deliuerit that thai coud nocht acquyt canny Waus male Kintor the wif of alexander talyour the wedew of richerd' Waus the wif of george barbour the wedew of Johne stevinsone eldar margaret litstar Katherine Wrquhart the wif of William stile the wif of androw nachtj the wif of William bilty the wedew of William ranesone the wif of sande brabnar the wif of Johne' ramsay the wif of Johne of murray the wif of Johne frostar the wif of Jame strathachin the wif of thomas riddall the wif of patrik red' the wif of cristofer prat the wif of mastir James cuming the wif of androw louson' the wif of alexander burnat the wif of gilbert prestone the wif of mathow branche the wif of alexander malisone the wif of androw Wilyeamsone seruand' of gilbert litstar the wif of alexander horne the wif of thomas lamyntone the wif of alexander blaer the wif of William rolland' and the the wif of Johne cuk wif of androw steuart for brekyne of common' ordinance in selling of xij d' aile agane the statutis of the towne for the quhilkis Ilkane of thame was in ane amerciament of the court et cetera Item thai coud nocht acquyt the remanent of the broustaris of the pontis forsaid' eftir the tenor of the tone officiaris billis as in the samyne mair fullely is contenit'