Curatoris to Johnne Crukschank The said day comperit Johnne crukschank alias tailyour sone and ayr tile vmquhile Johnne Crukschank alias tailyour with Johne' Ratre his forspekar and chesit consitut maid and ordanit Johne' Craik conburges of the said burgh' his curator to governe his person' his landis ande gudis as efferis ane Curator to do Ande generall ale vthir and Sindrie thingis to do excerce and vys' pertening of lawe to the office of curatory quhile he cum to perfit age vpon' the quhilkis the said Johnne craik askit Instrument vndir the Seile of thomas Waus and thomas Wod' ballies befor thir witnes Duncan fyf androw barkar ser Dauid Waus ser thomas Wricht chaplanis Alexander nory Johnne fif Williame scrimgeor Normond' leslie seriandis

The Bailye Court of Abirdene haldin withtin the tolbutht of the samyn one monunday the xxvj day of the monetht of Julij the yer' forsaid'

The haill proces' led' be Johnne of murray aganis Dauid steuart

The Bailye Court of abirdene haldin withtin the tolbutht of the samyn one monunday the xij day of the monetht of Julij the yer' forsaid'

The said day comperit Johnne of murray burges of the said burgh' ande fande ane borghe in the handis of Normond' lesly ane of the officiaris of the said burgh' that quhar Dauid steuart burges of the said burgh' ressauit be the handis of alexander gray ij franche cronis xliiij eduard' grotis ande half ane Inglis grot' of his pakit in ane clout witht Dauid arnotis siluer merkit with the said Johnne murrais merk quhilkis money the said Dauid grauntit him to haf ressauit tile haue bene deliuerit to his wif as his bile deliuerit to the said' Dauid proportis Ande aw to deliuer the said money to the said Johhne and wrangis ande he do it nocht and tharto ane borgh' and ane borgh' to folloue that borgh' The said Dauid being Requirit in Jugment to Ansuer to the said borgh' askit the copy of the said borgh' Ande ane lauchfull day to ansuer tharto And' Incontinent thareftir the prouest ande bailyes discernyt the copy of the said borgh' to the said Dauid and assignit him to ansuer to the said borgh' one monunday the xij day of the said monetht of Julij