presentacio Compoti decanorum gilde et magistri fabrice ecclesia The said day Androu cullan Alderman this yeir and ane of the denys of gild' the yer' bigan present and ingef his compt And' Alexander gray master of the kirkwark gef In his compt of the yer' bigain to be considirit and vndirstandin be the said Auditouris suorne tharto

Statuta The said day It was statut and ordanit be the aldirman baillies ande counsaill that ane bailye and ane officiar sall pas' serche and seik the schippis and all placez quhar ony talcht may be fundin barellit or pakit to pas' withtout the Realme and Eschet the samyn eftir the tenour of the akis of oure souerane lordis perliament maid' tharapone

Candilmakaris The said day it was statut and ordanit that na fleschearis wif mak candle to sell vndir the pain of Escheting of the samyn and breking of commone ordinance Ande that all candilmakaris withtin this burgh' sall mak sufficient candill small wekit and weill dryit the li' for iij d' / one this wis' iiij candillis for a penny tua candillis for a penny and a candill for a penny vndir the pain of escheting of thar candillis and breking of common' ordinance

The said day It was statut and ordanit be the alderman bailyes and counsail that ale baxtaris withtin this burgh' sale haue reddy breid of quhit clene fresch' gu sufficient gud the tua penny breid weyand xxvj vnce the penny bred xiij vnce for xv dais quhile thai be forthir auisit

The said day it was statut and ordanit that nay wittaile be houssit vnder the pane of breking' of commone' ordinance