Dauid syme disobeyand the officiaris The said day Dauy syme was in ane amerciament of the court be his avin toung graunt for the dissobeying of the Officiaris passand furtht of the tolbuth' he beande conuict' for stribulance of Donald baxtar et cetera And nocht fulfillande the deliuerance of the assis' past tharupone And' thareftir in dissobeyng of Ormund' leslie Officiar quhene he comprehendit him within the said' burgh' and chargit him to entir his persone within the said' tolbuth' quhile he fulfillit the deliuerance of the said' assis' quhilkis he dide nocht' Tharfor he consentit and' euire he s dissobey ony officiar of the said' burgh' in tyme to cum and' beis conuict tharof sale neuyr remane within the said burgh'

blair meldrum The said day Alexander blair lauchfully callit and nocht comperit tile entir Alexander Iruyne as he that come souerty for him to entir him the said day tharto heir the deposicionis oppynnit betuix him and Johnne meldrum anent the clame of ane cors' boll debatable' betuix the said partiis And thareftir the balyeis chargit Williame scrimgeour officiar to pas and tak ane strass' of the saide Alexander blair And lat It to borgh' gif it be askit as secund And' warne the said' Alexander to compeir the law day day eftir yuyll tharto entir heir the said deposicionis oppinnit as secund day of process'

Curia balliuorum burgi de Abirdene tenta in pretorio eiusdem Nono die mensis Januarij Anno quo supra

The said day it was sufficientlie preuit that philpe of Kelly one that ane part and' Johne masoun' pynor one that vthir part was bundin and oblist be the faithtis of thar bodies to stand' and' abid' at the deliuerance of Dauid blinseill cristofer prat Williame scherar litstar and' Sande prat and Robert murray arbitouris and' amicabile componitouris chosin betuis the said' partis anent the skaith' done tile ane hors' pertenyng to the said' Johnn' quhilkis arbitouris fand' and' deliuerit that that the said' philp Kelly had' skatht the said' hors' ane french' crovne quhilk crovne he deliuerit to the said' John Incontinent thareftir the deliuerance forsaide

The said day Johnne of cullan fand ane borgh' in the handis of William scrimgeour ane of the Officiaris of this burgh that Johnne gordone of pettare wranguisly and aganis the law withthauldis fra him the Some of fourty pundis be gud estimacioun' to compt and Raknyn for costis and expensis maid' one him and' his men in his hous' in met and drink at thar cumin diuers' tymes be the space of thre yeris et cetera quhilk borgh' the sad' Johnne denyit and Incontinent with consent of baitht the said' partiis was put to the decesioun' of ane suorn' assis' quhilkis Riplie avisit the Rychtis resonis and witnes of baitht' the said' producit and vndirstandin deliuerit and fand' be gilbert menyeis forspekar of the sad' assis' that the sad' borgh' was fundin of Nane awaile for oucht that thai hes' sein or herd as yeit for the quhilkis the said' Johnne was in ane amerciament of the court et cetera