Curia balliuorum de Abirdene tenta In pretorio eiusdem xjo marcij anno quo supra

The saide day Williame colp procurator to Dauy Colp lauchfullie callit and nocht comperit to ansuer' to the borghe' fundin one the saide Dauy be thome ridall that he awe to releiwe his pundis takin be sere Androu gray for x s' of annuele tharfor the balyeis ordanit gilbert prestone sergeande to pas' and tak ane streis' of the saide Williamis and lat it agane to borghe' and it be askit and warne him to Comper one tuysday cum xv dais becaus' our lady day fallis one the monunday as Secunde day of proces'

The saide day Johne berehill sclatar was conuict be ane Suorne assis' patry leslie forspekar for strubulance of Alexander sclatar and his wyf and for the quhilk he was in Ane amerciament of the court et cetera Ande gif euere he committis ony sic trespas' and beis conuict tharof he sal pay j li' of waxe to the haly blud licht

The saide day it was deliuerit be ane suorne assis' patry leslie forspekar that Johne malisone sulde fynde to Duncan Colison ane half Cobile to marrow with him this yer' or ellis pay him half ane Cobill hyer' becaus' it was Referrit to his aithe and he refusit to Sueir'

The commissaris to by Sanct nicholes led' The saide day the ballieis Consal and communite warnit be the hande bell throw the tone gathtreit Circualie Inquerit grantit and ordanit ane commissione to be writin vndir thar commone sele to gilbert menyeis and Alexander gray to by fiftene fudir' of leide for Salmonde as thai cane aggre witht Inglismen to our' kirk and thekin of it Ande to pay the saide Salmonde within xv dais eftir the saide lede be deliuerit fre one the key of Abirdene