the graunt of ane burgis to sere Johane Stirueling The saide day the alderman bailyes and counsale grauntit and geff to thar commoun' clerk and seruande Schir Johnne' stiruelinge ane burges to be chosin be him frelie for his excercesioun' and labouris donn' in the makinge of thar process' of the landis of the tullocht' preceptis and vthir doingis et cetera gylbert menyeis ad herandam propria

our souerane lordis summonce maide tharupoun' anent thar landis of the tullocht' ande to defende agane the saide Androw and his complicis eftir the tenor of his summonce maide one thame anent the saide landis Ande thareftir thai chesit alexander menyeis aldirman Johne' of mar' ande Johne' colisoun' bailies thar commissaris and procuratoris to pas folloue and defende in the premiss' ande ordanit sufficient commissione to be maide and gevin to thame ane and may als mony as accordis vnder thar common' sele Ande ordanit tuenty merkis to be takin of thar watir malis of the rediast that mycht be gottin and gevin to the aldirman and Johne of mar to thar expens' and ordanit fourty schillingis to be allouit to the saide Johne' colisoun' in his wattir maile to his expens'

The saide day the aldirman and ballieis continevit the oppinning of the saide witnes to monunday the pennult day of this Instant monetht of October' for waknes of the court betuix Dauy colp and thome ridale

The saide day it was statut and ordanit be the aldirman balieis and consale that the sagirstane sale haue for Ilkan graiwe makin and bellis Rigin within the kirk and vteuthe the kirk in the kirkyerde viij d' ande he sale ger' ring curfoyr continualie at hour' and tyme aucht and wont Atour he sale nocht Ring laurence at the saule mess' nor' menyngis bot for the nobillis and honorabilis personis of the tovne without leif of the aldirman and the Counsale

The saide day the aldirman ballieis and Counsal present for witht ane consent for the tyme grantit to gif xl s' to Johne Cuk to pay his hous' maile becaus' of his gude seruice done to thame