Colp Rollande The saide day it was ordanit and deliuirit be the warde of the court and chargit be the balyeis eftir the deliuirance and oppinning of certane witnes producit and Suorne that Williame rollande sal gif his bill of his expens' compt and rekning maide apone the lande that he now Inhabitis to Dauy Colp and thai sal cheis' Suorne auditouris to her' se ande vndirstande the saide Comptis betuix this and friday Ande gif it be fundin that the Costis and expensis maide be the saide William one the saide lande be equale and Corespondis to the male of the saide hous' and excedis nocht he sal deuoid' and rede the samyn And' gif the Costis and expensis excedis the male bigane the said' Williame sale Remane with the saide hous'vnto the tyme the saide Costis and expens' be Runnyne corespondeing to the maile of the saide hous'

Jura volunt emendabit et cetera

annande chernside procurator for John Robertson The saide day patry chernside and Dauid mar yongar deponit the gret aithe that the saide patry sale Schew and declar' the Some that he gat for the skinnis optenit one him be Jonhne Robertsone Ande Robert Waus requirit be the saide patry / as ane to depone with him saide he walde avis' with his aithe quhil friday that nixt Cumis Ande the saide aithez' being maide the balyeis ordanit the saide patry / to gif his Compt and bil of Rekning to the saide Johne Robertsone as Johne of annande his procurator this day eftir Novne Ande ordanit the saide patry to pay teh Some that he restis aving' and giffis in his avne compt to the saide johne Robertsone or his procuratoris within terme of law Ande atour the saide patry grantit and he mycht get or recouer' ony mair' for the said' Skinnis thane he has gottin p' he sal refunde it to the saide Johne and this Some the balyeis chargit the saide Patry to pay within xv dais next hereftir as merchand' suld do to merchand'

The saide day Johnne buk in monymusk was in amerciament of the court be his avin tonge grant fo the dispersonynge of gilbert prestone sergeand' And the said gilbert accusit be the baillies for the stroublance of the saide Johnne was maid quyt of ale strublance of of the said Johnne be ane suorne assis' Alexander Red forspekar Ande for the offens done the said Johnne' the assis' ordanit him to pay ij li' of wax to the haly blud lycht

Rede Kay The said day Johnne philp Kay grantit him feit prentys' ande seruande to Johne Red hatmakar for thre yeris tocum ande Reman and do him trew seruice quhile the said thre yeris be Runnyne