mastir Andreas Patersone The saide day / the baillieis assignit this day viij days to mastir Androw patirsone to preiwe that he is knavin' and entirit ayr to vmquhill Dauy paterson his' fadir Ande to Johne of auchnewe to ansuer' to the saide mastir androw In his wiffis name Anent the gudis clamit of airschipe be him Ande in likuis' the saide mastir Androw to ansuer' to the saide Johne and his wif in the gudis of airschip clamit be tham as ayris to vmquhile William of gareauche

Chernsid Robertsone The said day comperit Johanne robertsone ande producit certane witnes in the caus' debatabile betuix him ande patrik chernsid Anent xixxx and four skinnis . of the quhilkis the deposicionis was ressauit / ande for waiknes of the court the ballies continewit the opinyng of the saide deposicionis to friday that nixt cumis

Curia balliuorum de Aberdene tenta in pretorio eiusdem xvto die maij Anno quosupra

lamynton' The said day thomas lamyntone lauchfully warnit callit and nocht comperit tile haue ansuerit to Copin hill for xiiij s' and a petir talecht et cetera and the ballies chargit William scrimgeour officiar to pas and tak ane stres' et cetera and lat it to borgh' gif it be askit and warne him to friday the xix day of maij to ansuer to the said copin et cetera

The said day schir Johne ruthirfurd lauchfully callit warnit and nocht comperit tile haue ansuerit to the borgh' strekit one him be gilbert menyeis for the wrangwis' withhalding fra him of xxxv s' vj d' for ane elne and half ane quarter of paris' rede and ane vnce of Sewin silk Tharfor the Alderman and ballies chargit Androw nachtie officiare to pas' and tak ane stres' of the said sere Johnne' and lat It to borgh' agane gif it be askit and warne him to ansuer to the saide borgh' this day xv dais the secunde thrid day of June as Secunde day of proces'