haue the gudis takis and landis pertening to thomas chamer his brothir sone of ayrschipe throw the decess' of vmquhile William chavmir Eme to the said' thomas as in the samyn mair' fullely Is contenit and quhilkis be opinlie rede the said' Alexander prostet quhat takis or stedingis that happinnes the margaret of Kintor the Relict of the said' Williame till Occupy or Intromett' with pertening to the said' thomas as ayr' to the saide vmquhile sulde turne him to nay preiudice

Curia balliuorum de Abirdene tenta In pretorio eiusdem quinto die aprilis anno 3o

caucio reperta preposito et ballivis pro bonis hereditario Jure thome chamir contingentis The saide day Alexander chamer and gilbert menyes offerit thame redy to resaue the gudis of arschip pertening to thomas chamir / be deces' of vmquhile William chamir his Eme eftir the tenor of our Soueran lordis lettres directit to the aldirman and balyeis tharapone beseking thame of ministracioun' of Justice and requiring thame that margaret Kintouris Intromettour' and withhaldar' of the saide airschip quhilkis was lauchfullie warnit to comper this saide Instant day to Ansuer for the gudis of airschipe forsaid' mycht be lauchfullie callit quhilkis margaret was callit diuers' tymes be the officeris and nocht comperit Ande for the mair' habundance the aldirman and balyeis directit officiar' to warne and charge the said' margaret to cum and ansuer' In the premiss' quhilkis absentit hir and walde nocht comper and tharfor the saide Alexander protestit for remede of law Ande In continent he and gilberte menyeis oblist thame be thar landis and gudis to the aldirman and balyeis that the gudis of airschip quhilkis thai happin' to resaue or be deliuirit to the said' Alexander salbe responsale and furtht cumand' to the aid' thomas eftir the tenor of our' Soueran lordis lettres forsaid' Ande the saide Alexander oblist him / his ayris executouris and assignez to keip the said' gilbert his ayris executouris and Assignez' Skathles of the said' borrougange

Assedacio 3a partis Rethispiscariarum de Done dimidi Rethis de pott The saide day Alexander chamir Assignit to gilbert menyeis his sone in the law the fischingis of ane thridpart of the wattir of Done and to Johne of mar' ane half nethis fischingis of the pott one the wattir of Dee pertening to the saide Alexander as conseruatour of the gudis takis steddis and landis pertening to thomas chamir his brothir sone for this Instant yer'

mercat Spillaris in byng if meile The saide day the wif of Johne blak wattirman the wif of Richard' redhede the wif of Johne sclatar the wif of Will Skene eby pardonar the wif of Johne balcrome the wif of robert scleiche the wif of Jhon' fynne the wif of nichole bevmond' the wif of morys' talyour the wif of gilbert prestone magis moir' the widew of henry lorne the wif of philp clerk and the wif og Johne blak stabillar' was conuict' be ane Suorne assis' Duncan Colisone forspekar for' the Spilling of the mercat in bying of meile and Regrating of it Agan agan the commone ordinance of the tone for the quhilkis Ilkan of tham was in ane amerciament of the court and to Amend' as law wile and forber' in tyme to cum And' atour It was thocht expedient and deliuirit be the said' assis' that gif the said' persoune or ony vthiris happinnis to by meile and Regratis it Agan in the mercat and beis thris' conuict' tharof salbe expellit the tone and the mercat for ane yer' And' that nay persone by meile excep it that wile stede thame Self nothir hous' nay wittal quhil it be put' in the mercat vndir the pane of law