bisset The said' day george bisset offerit him redy present and to Remane that day and to morne to the Resaving of the money promittit to him be the executoris of vmquhill thomas prat for his wiffis airschip and extending to

leche fechat The said' day the baillies assignit friday the thrid' day of merche next to cum to the relict of thome leche to preiwe quhat gudis Johne fechat Intermettit with of hirris

The saide day It was Sufficientlie previt that the broune hors' debatabile betuix Johane home and Androw murray in Drumblat was he saide Johnis quhilk he deliuerit to the saide Androw for the pament of the Siluir that was aving for the saide hors' Apone the quhilkis george bisset askit actis and Instrumentis at me sere Johane Stirveling befor thir witnes Johne mar' balye mastir James strachin mathow branche Johne ratre and Williame scrimgeor' sergeand'

Introitus gilberti menyeis in Officium communis Scribe huius burgi The ferde day of the montetht of merche the yer' of gode IM fiwe hundretht and tua yeris the aldirman ballieis Consale and Communite of Abirdene Warnit be the hand bell throw the hal tone gathtreit and personalie present within the tolbutht of the Samyn ande Circualie Inquierit Ilkane be thame Selff be thomas leslie balye and Williame scrimgeor' sergeand' ale in ane vote concordand' nayne Sayand' in the Contrar' riplie avisit thar' vtilite seyne and considerit for Resonabill caus' concerning tham Ande specialy for the Some of fourty markis propinit and gevin to the common profit and vys' of the said' burghe gravntit and gafthar office of commone clerkschip to gilbert menyeis for ale the dais of his liwe vacande be decess' of vmquhile William' chamer last possessor of the Samyn being at thar disposicioun with ale and Sindrie fredomes Commoditeis asiamentis and profitis Ande with the perpetuale and annual porcioun of tuelff markis ande wirh ale vthir deuyteis and vsuale consuetudinis pertening to the saide office or ony wyss' may pertene tharto als' frelie quietlie wale and pece in ale thingis and be aw thingis as ony of his predecessoris Josit or brukit the said' office ony tymes bigane et cetera The saide gilbert or his substitutis or deputis ane or may doing and excerceing the said' office of commone clerkschipe deulie as efferis / alanerlie to the quhilkis the saide gilbert war Suorne the gret bodely aithe And' Incontinent thareftir the said gilbert with express' Consent and assent of the aldirman balyeis Counsale and Communite of the saide burghe ale in ane vote concordande maid' constituit and ordanit sere Johne Stirueling notar publicis Dauid liell his Cosin and vthiris seruitoris and writaris to the saide sere Johne his deputis and substitutis Clerkis of the said' bughe coniunctle and Seueralie gevande and grantand to the saide sere Johne and Dauid and vthir writaris being with him for the tyme his fule fre laychfule and plane pouer expres' mandment' and charge tile excerce do and vys' the said' Office of Clerkschipe for ale the dais of the said sere Jonhes' lywe the saide sere Johne vndirliing the dew seruice of the samyn as efferis siclik as his predecessoris has done tymes bigane Ande keping' the bukis concerning the saide Office Ande atour the saide gilbert presentit the saide sere Johne and Dauid to the saidez aldirman balyeis Counsale and communite quhilkis thai resauit admittit and entirit lauchfullie to the said' office for ale the dais of his liwe Ande the saide sere Johne and Dauid was suorne the gret aitht' tile excers' the said' Office lelelie and treulie but fraude or gile Ande subscriuit with the handis of the said' notar for the graunt of the tone to the said' gilbert And' with the hande of the said' gilbert for witnesing of his substitutioun Nocht withstanding the said sere Johne and his substitutis ar' dischargit at the wile of the said' gilbert of the said' Office thai being thrys' conuict' for non dew seruic' and excerceing of the said' Office Gilbert menyis Manu propria Johannes Stirueling Notaris Manu propria et cetera

Anent the Skippar In the saling of the merchantis The said' day the aldirman In the tovnis nayme chargit Johne michaelsone Skippar' that he Resaue nayne nichtbour' of the tone within his Schip for the gude of merchandice vndir the pane of tene li' excepand' thame of the quhilkis the names salbe gevin to him in bill quhilkis ar' licenceit be the aldirman and Consale