keip the saide Jonhne Ramsay Skathtles and fre of the pament of the said' tua barrellis of Salmond' becaus' he Is bindin for him and his dett to the saide William

for Candilmesday' wobstaris and talyouris The saide day Johne rede wobstar Johne Williamesone Alexander mernoche Androw hall thome Wobstar gilbert mernoche Williame Auchevalde wobstar and Jhone paule Ilkan of tham was conuict be ane Suorne assis' Alexander Rede forspekar forspekar becaus' thai dide nocht It that accordit thame to do one Candilmesday' in the processioune eftir the auld' honorabill and lovabill consuetude of the burghe' and for the quhilkis thai war' in ane Amerciament of the Court and to Amende as law will and forber' in tyme to Cum becaus' thai pretendit thame to precede and pas' in the place of the processione quhar' the talyouris hed' vys' to pas' tymes bigane

Crukschank Skynner The saide day James Crukschank was conuict' be the saide assis' Alexander Rede forspekar for the breking of commone ordinance in the situacioun' and ordour' of the processioun' one Candilmesday et cetera Ande for strubulance of Williame of mar' dekin of the Skynnaris in the execucioun' of his Office and to Amende as law wil and forber in tyme to cum /

godherde

Copia littere Regis pro forestallatoribus Burgj James be the grace of gode King of Scottis To oure serreff of Aberdein' and his deputis ande to the aldirman' and baillies of oure burgh' of Abirdene gretinge forsamekle as we are sikkirly aduertist and informit that the fredome ande preuilege of our saide burghe of Abirdene and burges' of the sammyn ar gretely preiuditate ande skatht be thare nychtbowris ande conburgess' duelland' to lande wythoute the burgh' quhilkis haldis opyne bothis Selling ande bying all maner of merchandis woll hidis ande skynnis and cummes nocht to oure saide burgh' Abstrakkand thame fra payment of oure taxtis to that entent that the officiaris to burgh' sall nocht distrenye thame to landwert for oure dewiteis ande taxtis and als fo be certane forstallaris at Ilk parroch kirk quhilk sellis ande byis all maner of merchandice nocht suffering oure liegis to cum to oure saide burghe' and merket tharof for payment of thar dewities in grete preiudice of ws and oure said' burgh' and elikwise be fleschoris listaris Cordonaris vsing and excersing thare avne craftis and all vthir maner of merchandice expres' contrar Actis ande statutis of oure Realme geif It sa be Ande in likwise be vnlefull nychtbowris and personis within burgh' nychtwalkaris pykaris Rebellouris brekaris of Commoun ordinantis ande statutis in gret preiudice and skaith to ws and in contrar' the vniuersale wele of oure burgh' ande in breking and violacioun' of actis and statutis of parliament and' incontrar' equite and Justice gefe It sabe and oure will is herfore and we charge youe strately and commandis that yhe incontinent thar our lettrez sene but delay pas' and be opyn' proclamacioun' At the merket cors' of oure saide burgh' and vthir placis nedfule quhare It efferis commande warne and charge ale nychtbowris Ande burgess' of Abirdene occupying merchandice that thai within xxti dais nixt eftire youre proclamacioun' and warnyng cum within oure said burgh' of Abirdene ande to desist and ceis' fra all occupacioun' of merchandice vteuth' the burgh' And' that na maner of personis quhat estate or degre thai be of exerce or vse vtouthe the fredome of oure burgh' ony maner of mer/chandice bot the sammyne as sade Is vndir the pane of escheling of ale thar gudis movable' and that nay maner of craftis men' exerce nor vs' na maner of merchandice within burg bot his avin' crafte vthir wayis thane thay ar levit be the lawe vndir the panys forsaide and' attoure that yhi serche and seik be inquisicioun' and vthir wayis eftire the consuetude and vse of burrowis all vnlauchfull personis sic as nychtwakaris pykaris Rebellouris brekaris of commonde ordinance and statutis and quhay beis convikit thar intill be ane assis' that ye punys thame eftir the quantite of thar trespas' accordind to the lawis of the burgh' as saide Is ande this one nay wise yhe leif vndone vndir all pane and charg that eftir may followe the quhilk to do we committ to youe coniunctily and seueraly oure full pouer' be thir oure lettrez kepand the samyn fore youre warand' gevin vndir oure priue seill at Stirueling the xx v' day of nouember and of oure Regne The aucht yer'