Curia balliuorum de Aberdene tenta In pretorio eiusdem decimooctauo die mensis Nouembris Anno quo supra

mydiltone meldrum The saide day Johne of mydiltone and Johne of meldrum oblist thame be the fathtis of thar bodiis to stande and abide at the ordinance and deliuerance of thomas leslie Johne mar' Williame blinsele and Richerde Waus Anent ale debatis betuix thame

marion' brovne The saide day marione' brovne grantit and opinlie declarit be hir' aithe that scho was feit with thome Waus and resauit ij s' of hir' fee or euere Johne Duncansone or his wif Spak to hir' of ony feing

Johne myle at the Justice myle the saide day the aldirman balyeis and the Counsal present for the tym' ordanit and chargit Johne of myle to Remane with the half of the Justice myll' to witsonday that nixt cumis and to pay his maile Ande at the saide terme thai being prisit and deulie lest and bigit thai haue dischargit him frathinfurtht

Dauy Wricht masonez feing The saide day the aldirman and balyeis with avise of Androw Cullan mastir of the kirk werk feit and conducit Dauid Wricht mason' to wirk continualie at Sanct nicholes werk one vigill' and ale vthir dais siclik as the masounis wirkis at my lorde of Abirdene werk and to halde nayn' vthir haly dais than thai vs' for the quhilkis thai sal pay to him xxiiijor merkis Ande the said' Dauy was oblist and Suorne the gret aithe to be leiel and trew to the said' werk and to wirk continualie for the profit of the samyn