the said' day thomas meldrum deponit be his aithe that he saw and herde margaret Inglis by ane pece of tanny clatht fra margaret crafurd the spous' of Dauy theman and laid' to hir ane Siluer pece of Johne of Cullanis in wede for the said' clath
the said' day Sandy talyour brothir to Dauy talyour deponit that he saw margaret Inglis in Dauy themannis hous' and scho saide scho hed bocht ane pece of clatht fra margaret crafurd' and scho hed ane Siluer pece to lay in wede for it bot he saw nocht the pece
Cullan theman crafurd' The saide day it was funding that Dauy theman and margaret crafurd' his Spous' hed' preuit Sufficientlie that margaret Inglis hed' pandit and laid' in wede to margaret crafurde the spous' forsaide the siluer pece follouit be Johne of Cullane of his avne for certane clatht eftir the tenor of the Act maid' tharupon' obefor
protestacio Johannis cullan The said' day the assis' with avis' and consent of the aldirman and balyeis continevit the borghe' fundin be Johne of cullan of apon' margaret crafurd' spous' of Dauy theman for the wranguis haldin fra him of ane Siluer pece et cetera to this day aucht dais the vij day of October next to Cum
The saide day Johne of Cullane disassentit to the continuacioun of the borghe' follouit be him for the wranguis' haldin fra him of his siluer pece be margaret of craufurde and protestit for Remede of law