Curia balliuorum de abirdene tenta in pretorio eiusdem secundo die mensis augusti anno quo Supra

Cullan Kintor The saide day the aldirman and balyeis assignit monunday the fift day of august Instant to Dauid Kintor to ansuer to Isabell of Cullane anent Certane quhet contenit in hir bill send' to hir be Copin gravane hir merchand'.

Stevin The saide day It was deliuerit be ane suorne assis' alexander rede forspekar that Jonhne stevin sal mak ane bill of covnt and rekning to Jonhne of meldrum of ane pvncion of wyne betuix this and monunday and deliuer it to him Ande fynd souerte to the saide Jonhne meldrum to keipe him skathles of ane vthir fywe pvncion' of wyne

baxtaris The saide day the aldirman ordanit and chargit patrik clerk to ger' gif in bill ale the vnfre personis vsand' the baxtar' Craft and he suld' caus' thame to decist fra the said' Craft and in the meyntym the aldirman opinlie dischargit ale vnfre personis of the vsing of the said Craft

goldsmith blaklok The saide day It was fundin and deliuerit be ane suorne assis' alexander rede forspekar that Walter blaklok sal deliuer to Williame goldsmitht j chaldir of quhet with the wattir mett or ellis xvij li' with the mercat met and the vnicorne resavit be the said Walter to be allowit in pament of the said quhet and the Remanent of the money to be pait at martymes next to Cum